Ilahn 59:5 - Uwumbɔr aagbaŋ

⁵ Ndindaan Uwumbɔr Mpɔɔnsakpiindaan, fii sil ki nan ter mi; Israel yaab Aawumbɔr, si aabaa waa. Fii sil ki daa binib bi kaa dii saasan na aatafal. Taa san titunwanbirdam bi fii sil aa pu na kinimbaak.

Ilahn 59:5 ပူးပေါင်းရင်းမြစ်များ

Mpiin 33:20

Le Jakob maa libimbiln ki toor kitork ki doon Uwumbɔr nima chee, le ki yin nima ke, El Elohe Israel.

Ilahn 54:3

Kigaadam le choo bi nan tak mi; mbiindam bi aatafal aa bi sin Uwumbɔr ni na le ban bi ku mi.

Ilahn 55:15

Cha maadim kpo aan baayoonn taa kee fuu; cha bi laa li fu ki sunn buen kitekpiitiŋ ni. Tibir bi bido, ni bisui ni la.

Ilahn 7:7

kina pu na, kuun binib mɔmɔk nan mann goln si, ki li bi paacham ki ye baajojoor.

Ilahn 80:4

Tidindaan Uwumbɔr, Mpɔɔnsakpiindaan, ni ga yunn kinye aan saaŋuul ti sɔŋ saanib aameel pu?

Ilahn 84:8

Ndindaan Uwumbɔr, Mpɔɔnsakpiindaan, ŋun maameel. Uwumbɔr u n‑yaaja Jakob nan dii u na, li pel.

Ilahn 9:15

Binib bi kaa nyi si na gbii libuul, le ki lir li ponn ni; bibaa aagaawɔb mam le chur bi.

Nnyam 20:5

Ni taa gbaan kitiŋ ke ni doon liwaal libaa; ba pu? min le ye Nidindaan Uwumbɔr, le maa ban m ni ubaa li kpaan yeh nimi. M ga daa binib bi nan mi na, ni biyaabitiib, ni bi mu aayaabitiib aatafal,

Nnyam 3:15

Tuk Israel yaab ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na le tun ni si bi chee. Bi ga li yin mi kina le n‑yoonn mu kaa kpa ndoon na. Kina le n‑yoonn mu choo na aanib ga li yin mi.

Aisaya 1:10

Jerusalem yaab, nimi aayidam ni nimi aanib naahn Sodom ni Gomora yaab la. Li pel man Uwumbɔr aah bi tuk nimi pu na. Pel man mbamɔm Uwumbɔr aah bi mɔk nimi pu na.

Aisaya 27:11

Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Jeremia 18:23

Tɔ, Uwumbɔr, aa nyi baah kpokl pu ke bi ku mi na. Taa di baatunwanbir cha pinn bi, ki taa di cha baataani. Buyoonn saaŋuul fii na kan, mee bi lii ki nyaŋ bi.”

Daniel 6:7

Timi bimɔk lik saanaan na, biyidam, ni butɔb aajab aaninkpiib, ni bi chuun manni bininkpiib bee na, ki di kpee bininkpiib bi gur na kii ke mpɔɔndaan siin nkaal aan ki cha mu li pɔɔ. Siin nkaal ke iwiin piitaa i choo na ponn ni, ubaa taa ki mee liwaal, bee Uwumbɔr ubaa, bee unibɔn ubaa chee tiwan see sin mpɔɔndaan baanja. Unii umɔk yii, ki bii nkaal ngbaan na kan, bi di u mee ŋa ichinn aabuu mu ni ichinn gbii na.

Amos 9:7

Uwumbɔr len ke, “Israel aanib, m gee Kus aanib ke maah gee nimi pu na la. Maah nan nyan ni nimi Ijipt aatiŋ ni pu na, kina le m nan di Filistia yaab nyan ni Krete aatiŋ ni, ki nyan Siria yaab mu Kir aatiŋ ni.

Rom Yaab 9:6

Uwumbɔr aah puu tipuur ti tii Israel yaab na, maa len ke waa gbiin tipuur ngbaan. Bi ye Israel aayaabitiib la. Ni mu aa ye bi mɔmɔk le ye Israel yaab bamɔm.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.