Ilahn 59:3 - Uwumbɔr aagbaŋ

³ Uwumbɔr, lik baah dɔ kii mi pu ke bi ku mi na; bibiindam le bi kuuni ki ban mi. Naa ye ke m tun titunwanbir, bee taani ubaa la,

Ilahn 59:3 ပူးပေါင်းရင်းမြစ်များ

Ilahn 140:2

N‑yoonn mɔmɔk kan, bi kpokl titunwanbir la, bi ban kijaak n‑yoonn mɔmɔk la.

Ilahn 2:2

Baabɔrb yiil Uwumbɔr aamɔb, le baajojoob kpaani ki kpokl Uwumbɔr, ni waah lee ubɔr u na pu.

Ilahn 38:12

Binib bi ban bi ku mi na pen mi gaawɔb mam la, le binib bi ban bi tii mi titotonn na pɔɔni bibaa ke bi doo mi; n‑yoonn mɔmɔk bi kpokl ban mi la.

Ilahn 56:6

Bi kuuni tɔb le ki bɔrni ki lik maah ŋani tiwan ni mɔmɔk na, ki mak ke bi ku mi.

Ilahn 69:4

Binib bi nan mi fam na wiir jer tiyikpir ti bi n‑yil pu na, Maadim mɔni inyamɔn le paani mi, bi kpa mpɔɔn le ki ban bi ku mi. Bi cha m joo tiwan ni maa sun na le giini tii.

Ŋiyataŋak 12:6

Bibiindam aamɔbon ye linikul la, le bininyaam ga gaa baah faani binib bi na lii.

Ŋiyataŋak 24:15

Taa li bi ke ubiindaan u ŋa waalandak ke u ti su unibamɔnn ubaa aawan na, bee u ti yoor waadichal mɔmɔk na.

Maika 7:2

Unii ubaa aa gur kitiŋ ngbaan pu ki bi chob, ubaa mu aa bi ki kii tii Uwumbɔr. Binib mɔmɔk ka kii ke bi ku binib biken la. Unii mɔmɔk dɔ ban udo yoo le u ku.

Jɔnn 15:25

Bi nan timi kina ke ni gbiin Uwumbɔr Aagbaŋ aah len pu na ke, ‘Bi po nan mi fam la, naa ye ke m ŋa bi nibaa.’

Lituln 23:21

Bi yaa bui si kina kan, aa taa kii. Bijab bi jer imonko ilee na ga bɔr ki kiir Pɔɔl bi nan ku u. Bi mɔmɔk puu ke baan ji tijikaar kaan nyu nnyun mu, see bi ku u. Dandana wee bi gor ke bi ku u, ki kiir ke bi ŋun saah ga len pu na.”

1 Samuel 19:1

Sɔɔl nan bui ujapɔɔn Jonatann, ni waaninkpiib bi gur na, ke u ga ku David. Jonatann mu nan tee gee David aabɔr sakpen,

1 Samuel 24:11

Lik, nte, lik saabɔkul aageln le m joo na. M ba ga ŋmaa ku si, le m tee gii nimina. Nima le ga ŋmaa mɔk si limɔkl ke maa si aa pu, kaa kpak si, ki mu aa ban m ku si. Aa bi tee mban ki ban mi ke aa ku mi, le maa kpaan ŋa si nibaa.

1 Samuel 24:17

Le u bui David ke, “Aa kpa mbamɔn, le m ma bii. Aa ŋa mi tiŋann sakpen, le m ma tun si taani.

1 Samuel 26:18

le ki ki len ke, “Maaninkpel, ba ŋa aa beenin san dii mi saatutunn? M ŋa ba? Ba aatunwanbir m tun?