Ilahn 59:13 - Uwumbɔr aagbaŋ

¹³ kuln bi pel pel saaŋuul ponn ni. Kina kan, unii mɔmɔk ga bee ke Uwumbɔr le joo Israel aanib, ki joo unii mɔmɔk kitiŋ kee pu.

Ilahn 59:13 ပူးပေါင်းရင်းမြစ်များ

2 Bibɔrb 19:19

Kina pu na, Tidindaan Uwumbɔr, gaa timi Asiria yaab ngbaan chee lii aan dulnyaa aatimbol mɔmɔk bee ke sin baanja le ye Uwumbɔr.”

Ilahn 10:7

Waamɔliin ye tipuun, ni inyamɔn, ni tifaan ŋmeen la, le ki len titunwanbir, ni kinanaŋ aabɔr mala mala.

Ilahn 104:35

U kuln titunwanbirdam mɔmɔk kitiŋ kee pu; bibiindam taa ki li bi kpala. M joo nsui mɔmɔk pak Uwumbɔr la. Pak Uwumbɔr man.

Ilahn 109:17

U nan gee timɔpur, kina pu na, cha bi puun timɔpur lii u pu. Waa nan gee ke u mee Uwumbɔr aanyoor ŋa ubaa pu, kina pu na, ubaa mu taa mee Uwumbɔr aanyoor ŋa u pu.

Ilahn 59:11

Uwumbɔr, taa ku bi ki cha maanib suln baatafadaan bɔr. Uwumbɔr u kii timi na, di saapɔɔn yaa bi ki nyaŋ bi.

Ilahn 64:9

Bi mɔmɔk ga san ijawaan; bi ga li dak Uwumbɔr aah tun pu na le ki tuk binib waabimbin aah bi pu na.

Ilahn 7:9

Uwumbɔr, aa ye ubamɔndaan la, ki nyi tisui ponn ni aah bi pu na. Kuln kinimbɔŋdam aabiin; ki pa binib bi ŋan na baapar.

Ilahn 83:18

Cha bi bee ke sin baanja le ye Uwumbɔr, ki ye kitiŋ kee aayidaan u kaa kpa ŋeen aatɔ na.

Ŋiyataŋak 12:13

Ubiindaan aabɔlen le chur u ŋani tibɔr ni, le ubamɔndaan ma nyani ubaa tibɔr ni.

Aisaya 54:5

U naan si na ga li bi ke chal na le aa chee, waayimbil le ye Uwumbɔr Mpɔɔnsakpiindaan. Israel yaab Aawumbɔr u bi chain na le ga gaa si lii, uma le ye dulnyaa mɔmɔk aayidaan.

Esekiel 38:23

Kina le m ga mɔk ŋitimbol mɔmɔk ke maapɔɔn nyaŋ, le m ye chain. N‑yoonn ngbaan le ŋi ga bee ke min le ye Uwumbɔr.”

Esekiel 39:7

M ga cha maanib Israel yaab li nyi maayimbil li ye chain na, kaan ki cha maayimbil ji inimɔɔn daalbaadaal. Le ŋitimbol ga bee ke min Uwumbɔr le ye Israel yaab Aawumbɔr u bi chain na.”

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Nkahm 32:13

Uwumbɔr nan gee bi gur na pu liŋuul, le ki cha bi chuun manni nteersakpiin ni, ki ti saa ŋibin imonko ilee, le binib bi nan bii usui na kpoi doo.