Ilahn 57:1 - Uwumbɔr aagbaŋ

¹ San mi kinimbaak, Uwumbɔr, san mi kinimbaak; ba pu? m dan aa chee ki ban ŋŋmarm la. Saafeen ponn ni le m kani lifuur ki ti saa buyoonn ŋimuk sakpiin ga ti jer doo na.

Ilahn 57:1 ပူးပေါင်းရင်းမြစ်များ

Ilahn 125:1

Binib bi kii tii Uwumbɔr na naahn Sionn Aajool li kaa damni, kaa foor kpala na la.

Ilahn 13:5

M mak saageehm mu bi n‑yoonn mɔmɔk na pu; nsui ga piir, ba pu? aa ga gaa mi lii.

Ilahn 142:1

M yin Uwumbɔr ki ban nterm la; m gaŋni u la.

Ilahn 2:12

li gbeer man ki ti gbaan unimbiin ni; naa ye kina kan, waaŋuul ga fii mala, le ni ga kpo libuul ngbaan ni. Binib bi mɔmɔk chaa u chee ti ban ke u kiir bi na kpa mpopiin.

Ilahn 36:7

Uwumbɔr, saageehm mu bi n‑yoonn mɔmɔk na jer liwangol mɔmɔk la, ti kan mbɔbɔryaan aa chee ke ikoobi aah kani pu ina aafeen taab na.

Ilahn 56:1

Uwumbɔr, san mi kinimbaak, ba pu? binib ban mi ni linimaln la; maadim muk mi n‑yoonn mɔmɔk la.

Ilahn 58:1

Nimi bibɔjirb, ni kee jin tibɔr ibamɔn ni ii? Ni ji binib mɔmɔk aabɔr mbamɔm aa?

Ilahn 59:1

Maawumbɔr, gaa mi maadim chee lii; li kii mi aan binib bi tak mi na taa pii mi.

Ilahn 61:4

Cha m li bi saadichal ni n‑yoonn mɔmɔk; cha m bɔr aaŋmaŋ ni ki ŋmar.

Ilahn 63:7

ba pu? sin le ter mi n‑yoonn mɔmɔk. Aaŋmaŋ taab le m ga gaa mpopiin aalahn.

Ilahn 75:1

Uwumbɔr, ti dooni si, ti dooni si. Ti mooni saah kpa mpɔɔn sakpen pu na, ki tuk binib saah tun ŋitusakpiin ŋi na aabɔr.

Ilahn 9:10

Uwumbɔr, binib bi nyi si na ga tii si naadii; Saa siir cha umɔk dan aa chee na.

Ilahn 91:1

Unii umɔk chaa Uwumbɔr chee ti ban nkiirm na, unii umɔk bi Uwumbɔr Mpɔɔnsakpiindaan aaŋaal ni na

Ilahn 91:4

U ga taln waafeen biin aa pu; aa ga kan u chee ŋŋmarm; waaŋann le ga li kii si ki joo si.

Ilahn 91:9

Aa di Uwumbɔr le ŋa u kiir si na, uma Uwumbɔr u kaa kpa ŋeen aatɔ na le ye saakikiir,

Aisaya 10:25

Naan ki yunn le m ga daa nimi aatafal doo; n‑yoonn ngbaan le m ga kuln Asiria yaab kookoo.

Aisaya 26:20

Maanib, koo man nimi aadichal ni, aan ki laŋ nibaa pu. Bɔr man nibaa siib aan Uwumbɔr aaŋuul jer.

Aisaya 50:10

Nimi bi mɔmɔk pak Uwumbɔr ki kii waatutunn aabɔr na, nibaakan ni ga li chuun isan i bɔɔn na ni, ni mu tee tii Nidindaan Uwumbɔr naadii, ki li mak u pu.

Matiu 24:22

Uwumbɔr yaa kaa bar falaa ngbaan aayoonn aawiin kan, ubaa aan ŋmar. Le waanib aanimbaasaln pu u ga bar falaa ngbaan aayoonn aawiin.

Tibɔnyaan ti Luk ŋmee ti na 13:34

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ŋa mbaa chee ke ukɔla aah kuuni waakoobi pu ki ŋani ufeen ni na, le naa kii.

Jɔnn 16:20

M tuk nimi mbamɔn la, nimi le ga li kaani ki wii; dulnyaa aanib ma ga li kpa mpopiin. Ni ga li kpa mpombiin; nimi aapombiin ngbaan mu ga nan kpaln mpopiin.

Ikaal 9:26

M nan mee ke, ‘Ndindaan Uwumbɔr, taa kuln saanib bi aa di saapɔɔnsakpiin gaa bi lii, ki nyan ni bi Ijipt aatiŋ ni na.

Tibɔkpiirkaan 21:4

ki ga per bi tinyunyunn mɔmɔk. Nkun aan ki li bi; mpombiin mu aan ki li bi; iwiil mu aan ki li bi; iween mu aan ki li bi; ba pu? tiwankpok mɔmɔk jer a.”

Tibɔkpiirkaan 7:14

Le m bui u ke, “Maaninkpel, si le nyi.” Le u bui mi ke, “Bi ye binib bi nyan falaa sakpiin ni, ki finn baakpar Upihbo ngbaan aasin ni aan ti ŋa ti tipipinn na.

Ruf Aagbaŋ 2:12

Uwumbɔr ga pa si saah tun pu na pu. Israel yaab Aadindaan Uwumbɔr, u chee aa dan ki ban ke u li kii si na, ga pa si saapal mɔmɔk.”

1 Samuel 22:1

David nan san nyan Gaf aatiŋ ni ki ti koo kitakpaluŋ ki bi duun Adulam aatiŋ ni na. Ukpetiib ni udo yaab bi gur na aah ŋun u pu nima chee na, le bi buen u chee.

1 Samuel 24:3

U nan ti fuu kitakpaluŋ kibaa chee, ki nan bi ipiih aabɔkpenn tibaa chee la, le ki koo ki ponn ni ke u ti sɔnn. Kitakpaluŋ baan ngbaan ponn ni, le David ni waajab mu nan bɔr ponn ponn ni.

1 Samuel 24:4

Bi nan bui David ke, “Saayoonn le na. Uwumbɔr nan bui si ke u ga di saadin ŋa saapɔɔn ni, le aa ŋa u saah gee pu na.” David nan loon buen u chee, le ki ti chuu gii waabɔkul pu upuwɔb, aan Sɔɔl aa nyi ke u gii.

1 Samuel 24:8

Le David paan u pu ki yin u ke, “Mpɔɔndaan.” Le Sɔɔl fenn, le David gbaan ki tii u kipak,

1 Samuel 26:9

Le David bui u ke, “Taa ŋa u nibaa. Uwumbɔr ga sil daa unii u ŋa waabɔr u u lee u na taani na aatafal.”