Ilahn 56:8 - Uwumbɔr aagbaŋ

⁸ Aa nyi naah muk mi pu na; aa nyi maanyunyunn aakahm, aa ŋmee ti ŋa saagbaŋ ni.

Ilahn 56:8 ပူးပေါင်းရင်းမြစ်များ

2 Bibɔrb 20:5

ke u gir buen Hesekia u ye uma Uwumbɔr aanib aajojoor na chee, ki ti bui u ke, “Min Uwumbɔr u ye aayaaja David Aawumbɔr na ŋun saameel, ki kan saanyunyunn. M ga cha saaween sɔŋ, ki joo cha ni iwiin itaa na aa ga buen Uwumbɔr Aadichal ni.

Job Aagbaŋ 16:20

Njɔtiib laa mi la; le nnimbil bar tinyunyunn tii Uwumbɔr.

Ilahn 121:8

U ga li kii si, saah choo pu na, ni saah ga li cha pu na, dandana ni n‑yoonn mu kaa kpa ndoon na.

Ilahn 139:16

aa nan kan mi le bi nin ma mi. Iwiin imɔk aa di tii mi na ŋmee ki bi saagbaŋ ni waahr aan iwiin ngbaan ibaa nin piin.

Ilahn 39:12

Uwumbɔr, ŋun maameel, ki ŋun maawiil; m yaa wii kan, dan ki nan ter mi. Aa chee, m yunn siib ke uchaan na le dulnyaa wee ni, ke n‑yaajatiib aah nan bi pu na la.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Jeremia 18:23

Tɔ, Uwumbɔr, aa nyi baah kpokl pu ke bi ku mi na. Taa di baatunwanbir cha pinn bi, ki taa di cha baataani. Buyoonn saaŋuul fii na kan, mee bi lii ki nyaŋ bi.”

Malakai 3:16

Le binib bi san Uwumbɔr na len tɔb chee tibɔr, le Uwumbɔr pel, le ki ŋun baah len pu na. Bi ŋmee kigbaŋ ni binib bi san Uwumbɔr ki pak u na aayimbil bilni, unimbiin ni.

Matiu 10:30

Uwumbɔr nyi nimi aayikpir aakahm.

2 Korenti 11:26

M nan chuun ŋisachun n‑yoonn mɔmɔk, ki kani linimaln nnyun ni, le ki kani linimaln bififiirb chee, le ki kani linimaln maanib Juu yaab chee, le ki kani linimaln binib bi kaa ye Juu yaab na chee, le ki kani linimaln ntim ponn ni, ni kipɔɔk ni, ni nnyusakpem ni, le ki kani linimaln binib bi ŋmann ke bi ye Yesu Kristo aanib na chee.

Hiibru Yaab 11:13

Binib ngbaan mɔmɔk nan tii Uwumbɔr naadii le ki ti saa baakundaal, kaa kan Uwumbɔr aah puu tipuur ti na. Bi nan bee ke n‑yoonn mu choo na, u ga nan ŋa waah puu tipuur ti na. Bi nan len ke bi ye bicham le dulnyaa wee ni.

Hiibru Yaab 11:38

Bi nan ye biwɔwɔm, ki nan bi kipɔɔk ni, ni ŋijoo paab, ki koo titakpalunn ni, ni ibuu i bi kitiŋ ni na. Bi mu nan ye bininyaam ki jer dulnyaa wee aanib.

Hiibru Yaab 11:8

Uwumbɔr nan yin Abraham, ki bui u ke u buen kitiŋ ki u puu tipuur ke u ga di tii u na. Abraham aah nan gaa Uwumbɔr ki kii pu na le u kii waamɔb, le ki nyan waatiŋ ni, ki buen, kaa nyi waah cha nin chee na.

Tibɔkpiirkaan 20:12

Le m kan bitekpiib, bi ye bipɔɔndam ni bi ye biwaatiib na, si libɔrjal ngbaan aanimbiin ni. Le u kpar tigbann, ki ki kpar kigbaŋ kiken, ki ye limɔfal aagbaŋ na, ki jin bitekpiib tibɔr, baabɔr aah ŋmee tigbann ngbaan ponn ni pu na, baah nan tun pu na.

Tibɔkpiirkaan 7:17

ba pu? Upihbo u bi Uwumbɔr aabɔrjal aakaasisik ni na le ga kpiin bi, ki ga mɔk bi uyayak aanyun mu ga tii bi limɔfal na chee. Uwumbɔr ga per binimbil tinyunyunn mɔmɔk.”

1 Samuel 19:18

David nan san ŋmar, le ki buen Samuel chee, Rama aatiŋ ni, ki ti bui u Sɔɔl aah ŋa u pu na mɔmɔk. Le u ni Samuel buen Nayof, ki ti bi nima.

1 Samuel 27:1

Le David nan bui ubaa ke, “Daalbaadaal kan, Sɔɔl ga nan ku mi. Tiwan ni ŋan ke m ŋa na le ye ke m san buen Filistia yaab aatiŋ ni. Nima kan, Sɔɔl aan ki ban mi Israel aatiŋ ni, le m ga fuur.”