2 Pel m chee ki kii maayim; maamuk cha nwon yɔl la.
Uwumbɔr, li pel maah gaŋni si ki ban ibamɔn pu na; pel maah wii ki ban nterm pu na. Ŋun maameel li bi chob na.
Maah kaa nan kpiir maatunwanbir na, iwiin mɔmɔk aawiil le nan cha nwon kpo,
M gur boo la, m lir kookoo a; m wii le nwiin ti lir.
Sin le ye u kii mi na; ba ŋa aa siir cha mi? ba ŋa m beenin ji falaa, maadim aah ŋa mi mbiin pu na pu?
Uwumbɔr, m bi tibɔr ni la, ŋun maameel. M san maadim ijawaan la, gaa maamɔfal lii.
Tɔ, Uwumbɔr tee pel m chee; u pel maameel.
M yaa ka ki dak Uwumbɔr aabɔr kan, le m faa liŋuun; m yaa ka dak suuna kan, le nwon yɔl ti lir.
Nneel nan bi siib kina, kaa pɔɔ, le m nan dun ke linanjel aah wii pu na. Maah nan lik paacham pu na nan cha nnimbil wu la. Uwumbɔr, nyan mi tibɔbir timina mɔmɔk ni.
Ijawaan joo timi, le tiwon yɔl. Ti neen ke Uwumbɔr nan nyan timi limukl ni, ni tiwan ni kaa ŋan na ponn ni, le nibaa aa ŋani.
Le maah gaŋ si ke aa pel maawiil na, aa ŋun.
