Ilahn 55:17 - Uwumbɔr aagbaŋ

¹⁷ Maamuk ni maadun chaa u chee kichakpiik ni, ni nwiin pu, ni kinyeek, le u ga ŋun maaneel pu.

Ilahn 55:17 ပူးပေါင်းရင်းမြစ်များ

Job Aagbaŋ 19:7

Maa kii waatunbir ngbaan pu, le ubaa mu aa pel; ubaa aa ŋun maabamɔn aawiil pu.

Ilahn 119:62

M fii kinyetaasiik le ki pak si, saakaal i bi chob na pu.

Ilahn 141:2

Gaa maameel ke tulalee aayon aatork na, ki gaa maaŋaal i m yoor paacham na ke kijook aatork na.

Ilahn 72:12

Bigiim bi wii yin u na, u gaal bi lir, ki ter binib bi kaa kpa aan binib yii bi na.

Ilahn 77:2

Limukl yoonn le m mee Uwumbɔr. Kinyeek ni kitaak aawoln pu, m yoor ŋŋaal paacham le ki mee u, le kaa tee kani nsuudoon.

Ilahn 88:13

Uwumbɔr, m yin si ki ban nterm la; m mee si kichakpiik mɔmɔk ni.

Ilahn 92:2

ni ŋan ke ti li mooni saageehm mu bi n‑yoonn mɔmɔk na, kichakpiik mɔk ni, ki moon ke aa ŋani saah puu tipuur ti na, kinyeek,

Inandalahn 3:8

M wii mpɔɔn pu ki ban nterm, le Uwumbɔr yii, kaan pel m chee.

Daniel 6:10

Daniel aah ŋun ke ubɔr di waanaŋ nyii nkaal ngbaan pu na, le u kun linampal. U nan ti koo paacham aadiik ni, waadichal ponn ni. Kidiik ngbaan aatakolu tiib bibaa nan lik Jerusalem aatiŋ wɔb la. Nima chee, le u nan gbaan ke waah ti ŋani pu n‑yoonn mɔmɔk na, takolu tiib bi piir na chee, ki mee Uwumbɔr nfum mutaa nwiin mubaa.

Daniel 6:13

Le bi bui ubɔr ke, “Unaagbiija Daniel, u nyan ni Juda aatiŋ ni na aa pak mpɔɔndaan, kaa dii saah siin nkaal mu na. U mee Uwumbɔr nfum mutaa nwiin mubaa n‑yoonn mɔmɔk la.”

Tibɔnyaan ti Mak ŋmee ti na 1:35

Njan aakooja aah wii na, le Yesu fii ki nyan lipaal, ki buen nibaa chee, le ki ti bi nima ubaa ki mee Uwumbɔr.

Tibɔnyaan ti Mak ŋmee ti na 6:46

Waah chɔi bi na, le u jon lijool paab, u ti mee Uwumbɔr.

Tibɔnyaan ti Mak ŋmee ti na 6:48

Libuln mu daar ki tok bi sakpen ki muk bi. Le Yesu kan ke ni pɔɔ sakpen baah ga ŋaal buŋɔb pu aan bu chuun na. Ikooja aah wii buyoonn na, le u chuun nnyun paab, ki buen bi chee, ki ti ŋaŋ bi. U ba ga nan jer bi pu.

Lituln 10:3

Le kijook wɔb, tikur titaa aayoonn, u daŋ tidaŋ ki kan Uwumbɔr aatuun koo ni u chee ki nan bui ke, “Konelius.”

Lituln 10:30

Le Konelius bui u, “Daanab na, tikur titaa kijook wɔb, kinakokoona, le m nan bi maadiik ni, ki bi mee Uwumbɔr. Maah bi mee Uwumbɔr na, le m kan uja u pee likekeln li wiin chain na si nnimbiin ni

Lituln 10:9

Naah woln kitaak na, le bi bi nsan ni, ki peen Jɔpa aatiŋ ni. Nwiin kaasisik ni, le Piita jon kidiik paab u ti mee Uwumbɔr.

Lituln 3:1

Daalbaadaal, tikur titaa yoonn, Piita ni Jɔnn nan buen Uwumbɔr Aadichal ni. Ni nan ye limeel yoonn la.

Efesusi 6:18

ki li mee Uwumbɔr ki gaŋni u ke u ter nimi. N‑yoonn mɔmɔk ni li mee u mbimbin mɔmɔk pu. Waafuur Nyaan aah mɔk nimi pu na, ni li mee u kina, ki taa geeni man, ki taa di cha man. Ni li mee u n‑yoonn mɔmɔk ki tii waanib mɔmɔk,

1 Tesalonika 5:17

ki li mee Uwumbɔr n‑yoonn mɔmɔk,

Hiibru Yaab 5:7

Buyoonn Yesu nan ye unibɔn na, u nan wii tinyunyunn mpɔɔn pu, ki gaŋ Uwumbɔr u ga ŋmaa nyan u nkun ni na. Waah san Uwumbɔr na, le u ŋun waameel.