Ilahn 55:14 - Uwumbɔr aagbaŋ

¹⁴ M ni uma nan gbaa tibaa aabɔr, ki kpaani ki dooni Uwumbɔr waadichal ni.

Ilahn 55:14 ပူးပေါင်းရင်းမြစ်များ

Job Aagbaŋ 19:19

Njɔtiibamɔm gur nan mi la; maah nan gee binib bi sakpen na le fenn lir m pu.

Ilahn 122:1

M nan kpa mpopiin buyoonn bi nan bui mi ke, “Cha ti buen Uwumbɔr Aadichal ni” na.

Ilahn 41:10

Uwumbɔr, san mi kinimbaak, ki tii mi laafee, aan m teen maadim.

Ilahn 42:4

M yaa teer n‑yoonn mu jer na aabɔr kan, le nsui bii, n‑yoonn ngbaan le m nan dii kinipaak buen Uwumbɔr do ki loln bi pu nsan na, kinipaak ngbaan aasui nan piin, le bi gaa ilahn ki tar ki pak Uwumbɔr.

Aisaya 2:3

le ŋaanib ga bui ke, “Cha ti jon man Uwumbɔr aajool ki buen Israel yaab Aawumbɔr aadichal ni. U ga mɔk timi waah ban ti ŋa pu na; le ti ga chuun waah lee isan i na pu; Uwumbɔr aamɔkm nyan ni Jerusalem ni la; Sionn pu le u len waanib chee tibɔr.”

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.