Ilahn 53:5 - Uwumbɔr aagbaŋ

⁵ Tɔ, ijawaan mu tee ga chuu bi, ke yaah kaa kee chuu bi pu na; ba pu? Uwumbɔr ga di waanib aadim aakpab yaa. Uwumbɔr yii bi, kina pu le Israel yaab ga nyaŋ bi kookoo.

Ilahn 53:5 ပူးပေါင်းရင်းမြစ်များ

Job Aagbaŋ 15:21

U ga li ŋun ijawaan aaneel tar utafal ni, le buyoonn u dak ke u fuur na, le binaayukb nan lir u pu.

Ilahn 14:5

Tɔ, ijawaan sakpiin ga chuu bi, ba pu? Uwumbɔr bi binib bi kii waamɔb na chee.

Ilahn 141:7

Baah lar idɔ pu ki chɔi chɔi i na, kina le baakpab ga yaa likaakul aamɔgben chee.

Ilahn 2:4

Le Uwumbɔr ka waabɔrjal pu paacham, ki laa bi, ki ŋani bi yaansara, baalandak i kaa pɔɔ na pu.

Ilahn 35:26

Cha binib bi aasui piir maafalaa pu na aalan ŋmal aan bi lir kookoo; Cha binib bi len ke bi soor mi na kpaln inimɔɔn aanib.

Ilahn 35:4

Nyaŋ binib bi pɔɔni bibaa ke bi ku mi na ki jinn bi inimɔɔn. Cha binib bi kpokl m pu na aalan ŋmal, aan bi fenn bipuwɔb.

Ilahn 40:14

Cha binib bi ban ke bi ku mi na aalan ŋmal aan bi lir kookoo. Cha binib bi aasui piir maah bi tibɔr ni pu na di inimɔɔn labr.

Ilahn 73:20

Bi naahn tidaŋ ti aa daŋ kinyeek, ki woln kichakpiik ni ki suln ti na la; Uwumbɔr, aa yaa fii sil paacham kan, le bi wɔŋ.

Ŋiyataŋak 28:1

Ubaa yaa kaa san dii ubiindaan kan, u san la, le uninyaan ma kaar ke uchinn na.

Jeremia 49:15

Uwumbɔr ga cha aa taa ki li kpa mpɔɔn, le ubaa aan ki li pak si.

Jeremia 6:30

Min, Uwumbɔr aah yii maanib na, le bi ga li gur yin bi ke tigbengbir ti kaa kpa tinyoor na.”

Inandalahn 2:6

Waadichal li ponn ni ti nan dooni u na, le u gbaa wii li yuk yuk. U kuln ŋikpaakoo, ni iwinyaan daal. Waaŋuul aapɔɔn fuu bibɔrb ni bitotoorb mu chee.

Esekiel 6:5

M ga di Israel yaab aanikpol yaa; m ga di baakpab yaa ŋiwaabimbin ngbaan chee la.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Liifai Yaab 26:36

“Nimi bi ga li bi tinaagbiir ni, ntiyayam ni na, m ga cha ijawaan chuu nimi sakpen, hali libuln yaa daa kifark aan ki dam kan, ni ga san. Ni ga san ke baah san dii nimi butɔb ponn ni le na. Nimi aadim aan li bi ni chee, le ni lir kitiŋ.

1 Samuel 14:15

Filistia yaab bi mɔmɔk nan bi itingbaan ni na aapobil nan yuk. Ijawaan nan chuu bijab bi looni na, ni bijab bi nan bi baah kuun ka nin chee na, le biwon gbaa. Kitiŋ nan dam, le bilan ŋmal, le bi gur san yɔl yɔl.