Ilahn 52:3 - Uwumbɔr aagbaŋ

³ Aa gee titunwanbir ki jer litunyaan, ki gee inyamɔn jer mbamɔn.

Ilahn 52:3 ပူးပေါင်းရင်းမြစ်များ

Ilahn 62:4

Ni ban ke ni nyan u waah bi nin chee ki kpa kipak na, le ki jinn u inimɔɔn; ni geei inyamɔn le ni mɔ nimi. Ni len tinyoor aabɔlen la, le nisui ponn ni ma kan, ni puuni lir u pu.

Ŋiyataŋak 21:10

Bibiindam aajikaar le ye titunwanbir, baa san ubaa kinimbaak.

Jeremia 4:22

Uwumbɔr bui ke, “Maanib ye bijɔrb la, baa nyi mi. Bi naahn mbim mu kaa kpa nlan na la; baa kpa ntafaŋum. Bi nyi titunwanbir aatuln sakpen, le kaa tee nyi tiwan ni ŋan na aaŋam.”

Jeremia 9:8

Bilambil bi ke ipiin i kpa liluul na la; ŋi geei inyamɔn n‑yoonn mɔmɔk la. Unii mɔmɔk len tibɔnyaan le uŋeen aatɔ chee, le ki tee bi pen u gaawɔb.

Maika 3:2

le ni nan tiwan ni ŋan na, ki tee gee titunwanbir. Maanib aa kee kpoi le ni sun baagban ki dar lui baanann baakpab pu.

Jɔnn 8:44

Kinimbɔŋ aabim le ye nimi, kima le ye nite. Le ni ban ni li ŋani kaah gee pu na. Dulnyaa aah nan piin buyoonn ki nan saa dandana na, ki ye unikur la. Kaa len ibamɔn. Mbamɔn aa bi ki ni. Ki yaa len inyamɔn kan, ki len tibɔr ti bi ki ni na la. Ki ye unyamɔndaan la. Kima le naan inyamɔn.

Rom Yaab 1:25

Bi dooni tiwan ni Uwumbɔr naan ni na, ki dii ni, kaa dooni Uwumbɔr u naan tiwan mɔmɔk na, kaa dii u. Uma Uwumbɔr le yeh mpakm n‑yoonn mu kaa kpa ndoon na. Amii.

2 Timoti 3:4

Bi ga kooh binib. Baan li kpa ilandak. Bi ga yoor bibaa paacham, ki ga li gee dulnyaa wee ni aawanyaan, kaan li gee Uwumbɔr.

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.