Ilahn 52:2 - Uwumbɔr aagbaŋ

² Aa ban isan ke aa kuln biken; saalambil ka ke kijukaŋ na la. N‑yoonn mɔmɔk kan, aa naani inyamɔn la.

Ilahn 52:2 ပူးပေါင်းရင်းမြစ်များ

Ilahn 109:2

Bibiindam ni binyamɔndam tak mi la, bi gee inyamɔn paani mi la,

Ilahn 120:2

Uwumbɔr, nyan mi binyamɔndam ni biŋmaŋmannim chee.

Ilahn 50:19

N‑yoonn mɔmɔk kan, ni gor ki ban ke ni len tibɔbir la; le ki mɔni inyamɔn n‑yoonn mɔmɔk.

Ilahn 57:4

Maadim mann gonn mi la, bi naahn ichinn i ŋmɔ binib na la. Baanyin naahn tikpaatunn ni ipiin la; le baalambil bi ke kijaak aajum mu ka na.

Ilahn 59:7

Li pel baah seei ki faani pu na. Baanyin bi ke kijaak aajum na le bimɔi ni, le ki dak ke ubaa aa pel bi chee la.

Ŋiyataŋak 12:18

Bɔyɔli tii iween ke kijaak aajuk aah ga tii iween pu na la, le nlan aamɔliin tii laafee.

Ŋiyataŋak 18:21

Saamɔliin le ga ŋmaa gaa si lii, le ki ga ŋmaa junn saamɔfal mu; kina pu na, li nyi ki gaa saamɔliin aah joo ni si tiwan ni na.

Ŋiyataŋak 30:14

Binib bibaa ŋani bigiim ni bifalaadam mbiin ki kuln bi ke bi taa ki li bi na.

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Matiu 26:59

Le Uwumbɔr aatotoorninkpiib ni bibɔjirb aaninkpiib mɔmɔk ban binib bi ga mɔln inyamɔn ki paan Yesu na, aan bi kan waataani ki ti ku u na. Le biseeraadam pam dan nan mɔln inyamɔn paan u.

Lituln 24:1

Iwiin iŋmu nan jer, le Uwumbɔr aatotoorninkpel Ananias dan Siisarea aatiŋ ni. Le Juu yaab aaninkpiib bibaa ni lɔya ubaa dii u. Bi yin lɔya ngbaan ke Tetulus. Bi nan sil Ubɔr Feliks aanimbiin ni, ki bii Pɔɔl.

Lituln 24:5

Ti nyi ke Pɔɔl muk binib sakpen. U muk Juu yaab bi bi dulnyaa wee mɔmɔk ni na, ki cha bi ŋmɔ tijar. Binib bibaa bi, ki dii Yesu u ye Nasaref aatiŋ aanii na aasan. Pɔɔl ye bi ponn ni aaninkpel ubaa la.

2 Korenti 11:13

Binib ngbaan ŋmanni nimi la. Baa ye Kristo aakpambalb. Bi ŋmanni nimi ke bi tun waatuln, ki mu aa tun.

2 Korenti 4:2

Ti yii inimɔɔn aatuln, ni mbɔmbɔɔn aatuln, kaa ŋmanni binib, kaa kpelni Uwumbɔr aabɔr. Ti bi Uwumbɔr aanimbil ni la. Nima le cha ti tuk binib waabɔr mbamɔm, aan bi mɔmɔk bee ke ti len mbamɔn.

Tibɔkpiirkaan 12:10

Le m ŋun nneel sakpiin len mpɔɔn pu paacham ke, “Dandana wee ti kan timi Aawumbɔr aah kpa mpɔɔn pu ki gaa waanib lii ki joo waanaan ni aanib na. Dandana ti kan Kristo u gaa timi lii na aah kpa yiko pu na. Ba pu? u nyan kinimbɔŋ paacham. Kinimbɔŋ ye unibiinii u nan si Uwumbɔr aanimbiin ni ki bii Uwumbɔr aanib nwiin pu ni kinyeek na la.

1 Samuel 22:9

Doeg nan si nima, Sɔɔl aaninkpiib chee, le ki bui ke, “M nan kan David, waah nan buen Ahitub aajapɔɔn Ahimelek chee, Nob aatiŋ ni pu na.