Ilahn 51:4 - Uwumbɔr aagbaŋ

⁴ M tun si titunwanbir, sin baanja le m tun titunwanbir, ki ŋani tiwan ni ye aa chee tibir na, kina pu na, aa yaa jin mi tibɔr kan, ni ŋan, aa kpa mbamɔn ke aa bui ke maabɔr bii.

Ilahn 51:4 ပူးပေါင်းရင်းမြစ်များ

Mpiin 20:6

Le Uwumbɔr nan giin mɔk u tidaŋ ni ke, “Mbamɔn, m nyi ke saah ŋa pu na, saa kpa taani, nima pu le maa kii ke aa doon u chee aan ki taa li kpa taani m chee.

Mpiin 38:7

Le Er nan tun titunwanbir sakpen, le kaa piir Uwumbɔr aasui, nima pu na, Uwumbɔr nan ku u.

Mpiin 39:9

M kpa mpɔɔn lichiln limina ponn ni ke m ŋa maah ban pu na, see sin upuu baanja le maa ŋmaa ŋa nibaa aa chee. Ba ŋa aa ban ke m tun kidagook aatuln li ye titunwanbir na Uwumbɔr aanimbiin ni?”

Mpiin 9:6

Min Uwumbɔr naan unibɔn, ki di naŋ mbaa la, nima pu na, unii yaa ku uken kan, biken mu ga ku u.

2 Bibɔrb 17:17

Bi nan kɔr bijapɔtiib ni bibisatiib ki joo seer mmii ni tii ŋiwaa; bi nan buu tibɔɔr bibɔɔb, ni bipɔnijoob chee, le ki di bibaa tii tiwan ni kaa ŋan Uwumbɔr chee na pel pel, le ki fiin waaŋuul.

2 Bibɔrb 21:6

U nan di ujapɔɔn toor kitork ki di see mmii ni. U nan tun tibɔɔr ni beebee aanyɔk aatuln, ki chaa binib bi bui ke bi nyi fen aabɔr na chee, ki len bitekpiib chee tibɔr. U nan tun Uwumbɔr titunwanbir sakpen, le ki fiin waaŋuul.

Ilahn 50:4

U yin paacham, ni taab, ke ni nan li ye seeraadam ki kan waah ga ji waanib tibɔr pu na.

Ilahn 50:6

Paacham len ke Uwumbɔr aabimbin ŋan, ke uma le ye ubɔjir.

Aisaya 43:25

Nee aapuwɔb na, min le ye Uwumbɔr u joo cha pinni nimi, nimi aatunwanbir na; le m ŋani nimina maabimbinyaan pu. Maa daa nitafal nimi aatunwanbir pu.

Liifai Yaab 5:19

Ni ye lipɔln aatork le ki tii titunwanbir ti udaan tun Uwumbɔr chee na.

Tibɔnyaan ti Luk ŋmee ti na 15:21

Le ujapɔɔn bui u, ‘Nte, m koo aa ni Uwumbɔr mɔk aataani ni. Naa ki ŋan ke aa yin mi aajapɔɔn.’

Tibɔnyaan ti Luk ŋmee ti na 7:29

Binib mɔmɔk ni bilampoogaab nan ŋun Jɔnn aaliin, ki cha u muin bi nnyun ni. Nima le mɔk ke bi kii ki tii Uwumbɔr aabamɔn.

Lituln 17:31

Ba pu? u siin nwiin bundaln u ga ji binib mɔmɔk tibɔr na, ki ti saa baah ŋa ki ŋeer pu na. U nyan uja u ga ji binib tibɔr na. U nan fikr uja ngbaan nkun ni, nima le ye limɔkl tii binib mɔmɔk.”

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

Rom Yaab 3:4

U ga gbiin ti. Binib mɔmɔk yaa ye binyamɔndam kan, Uwumbɔr ma ye mbamɔndaan la. Ni ŋmee waagbaŋ ni ke, “Bi ga kan ke saah len pu na ye mbamɔn, Aa yaa jin binib tibɔr kan, aa kpa mbamɔn la.”

Jemisi 2:11

Uwumbɔr u len ke “Taa gɔr kidagook” na, uma le len ke, “Taa ku unii.” Aa yaa kaa gɔr kidagook, ki yaa ku unii kan, aa bii ikaal mɔmɔk le na.

Jemisi 2:9

Ni mu yaa pak ubaa ki jer uken kan, ni tun titunwanbir la. Uwumbɔr aakaal galn nimi ke ni bii mu la.

Tibɔkpiirkaan 16:5

Le m ŋun Uwumbɔr aatuun u ye nnyun aayidaan na len ke, “Uwumbɔr u ye chain daan, ki nan bi, ki beenin bi na, saah daa binib ngbaan aatafal kina na, aa ŋa ni ŋan;

Tibɔkpiirkaan 19:11

Le m kan kitaapaak chuu piir, ki kan utapiin. U dik u pu na aayimbil le ye ke, “Mbamɔndaanyaan.” U yaa ji binib tibɔr kan, u tii bi baabamɔn, ki mu dii nsanyaan ki ti to butɔb.