Ilahn 51:19 - Uwumbɔr aagbaŋ

¹⁹ N‑yoonn ngbaan le aasui ga piir kitork baamɔŋ, ni timi aatork ki ti joo seer mmii ni tii si na pu, le bi ga kɔr inaaja toor kitork saatork aabimbiln paab.

Ilahn 51:19 ပူးပေါင်းရင်းမြစ်များ

2 Bibɔrb 22:19

le ki kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem ni kaanib aatafal pu na. M ga cha nima chee kpaln ijawaan sakpiin aabuul ni, le binib ga li joo nima aayimbil puuni lir biken pu. Tɔ, m ŋun saameel,

Ilahn 118:27

Uwumbɔr ye Tidindaan la, u kpa ti pu tiŋann. Bar isubon ŋa niŋaal ni man, ki piin kitork aajim ngbaan, ki chuun mann goln kitork aabimbiln.

Ilahn 34:19

Uninyaan kani ŋimuk aabɔŋ aabɔŋ la, le Uwumbɔr nyani u ŋi mɔmɔk ni;

Ilahn 4:5

Toor man kitork ki tok na tii Uwumbɔr, ki di naadii tii u.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Malakai 3:3

U ga nan ji tibɔr ibamɔn ni, ke unii u pu tikunabr mmii ni ki nyani tijɔŋ na la. Uchaa aah pu tikunabr ni salmaa mmii ni ki nyani tijɔŋ pu na, kina le Uwumbɔr aatuun ga nan toor bitotoorb, ki cha bi joo ni kitork bamɔnn nan tii Uwumbɔr.

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Efesusi 5:2

Cha ngeehm li bi ni chee man, ke Kristo aah gee timi pu, ki kpo ti pu, ki ŋa kitork ki piir Uwumbɔr aasui, ki ŋa ti ni Uwumbɔr kijɔtiik na.