Ilahn 51:18 - Uwumbɔr aagbaŋ

¹⁸ Uwumbɔr, san Sionn aanib kinimbaak ki ter bi, ki gir maa Jerusalem aagon.

Ilahn 51:18 ပူးပေါင်းရင်းမြစ်များ

Nehemia 2:17

Le m nin bui bi ke, “Jerusalem aah bii doo pu na, ni mɔmɔk kan taah bi tibɔr ti ponn ni na. Cha man ti ki gir maa kitiŋ ngbaan aagon man, aan timi aanimɔɔn yee doo.”

Ilahn 102:16

Uwumbɔr yaa ki gir maa Sionn kan, u ga nyan waapɔɔn sakpiin mpaan pu.

Ilahn 147:2

Uwumbɔr ki bi maa Jerusalem la; u bi giini binib bi nan bi tinaagbiir ni na la.

Ilahn 25:22

Uwumbɔr, nyan Israel aanib baabɔr mɔmɔk ni.

Ilahn 40:7

kina pu le m gar ke, “M sɔ. Saah ban ke m li ŋani pu na bi Nkaal Aagbaŋ ponn ni la.

Ilahn 69:35

U ga gaa Jerusalem lii ki gir maa Juda aatim. Waanib le ga li koo nima ki li yeh kitiŋ ngbaan;

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Aisaya 58:12

Jerusalem aanib ga ki gir maa nimɔk nan ye tilangbenn n‑yoonn mu jer na, ki ki gir maa ŋidinyik ŋi nan puen bi na pu. Binib mɔmɔk ga bee nimi ke ni ye binib bi ki gir maa ŋigon ŋi lir na, ki ki fiini ŋidichal ŋi lir na siini na la.”

Aisaya 62:1

M ga len ki pɔɔk Jerusalem yaab aataakpab; maan di cha limeel ni pu see ni ŋmar, le nimi aaŋann li wiin ke kinyeek aamii aah wiin pu na.

Jeremia 51:50

Uwumbɔr nan bui waanib bi bi Babiloŋ ni na ke: “Ni nyan nkun a. Li cha man. Taa ki taan man. Nibaakan, ni ga li dak ke ni daa linampal, li lik min Uwumbɔr pu, ki teer Jerusalem bɔr.

Daniel 9:25

Chuu tibɔr timina ki bee taatataa: Ki nyan n‑yoonn mu bi ga lii bumɔb ke bi ki gir maa Jerusalem aatiŋ na, ki ti saa buyoonn Uwumbɔr aah lee usaloln u na fuu ni na, ga li ye ŋibin ŋilole nfum mulole pu la. Bi ga ki gir maa Jerusalem aatiŋ, le isan ga li bi ki ponn ni, le ki li kpa tiwan ni kiir ki aan ki pɔɔ na; le ki ga sil ki ti saa ŋibin imonko itaa ni ŋilee nfum mulole pu; n‑yoonn ngbaan tee ga li ye tibɔbir aayoonn la.

Maika 6:7

M yaa joo ni ipiih ŋichur ŋichur, bee olif aakpan mu kaan doo na kan, ni ga piir Uwumbɔr aasui ii? M ga di maajan aabijabo le toor kitork tii u maatunwanbir pu uu?

Maika 7:11

Jerusalem aanib, n‑yoonn mu ni ga ki gir maa kitiŋ kee aagon na choo. N‑yoonn ngbaan le nimi aapepel ga moo kpee.

Sekaria 2:5

Uwumbɔr puu ke uma ubaa le ga li ye mmii aagoln ki mann goln kitiŋ ngbaan ki ga li kii ki, le ki ga li bi ki ni, ki wiin chain.”

Tibɔnyaan ti Luk ŋmee ti na 12:32

“Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.

Efesusi 1:5

Taah kpaan Yesu Kristo chee na, le Uwumbɔr ŋa timi waabim. N‑yaayoonn na, u nan nyan timi ke ti li ye waabim. Nima le ye waageehn, ki ye waah ban pu na.

Efesusi 1:9

ki kpiir tibɔbɔrkaan ti u nan dak usui ni ke u ga ŋa ti na mɔk timi. Kristo pu le u kpiir ti. Waageehn le na.

Filipi 2:13

ba pu? Uwumbɔr bi tun lituln nisui ni, ke ni li neen ke ni kii waamɔb, ki li ŋani waageehn.

2 Tesalonika 1:11

Nima pu le ti mee timi Aawumbɔr tii nimi n‑yoonn mɔmɔk ke u len ke ni ye binib bi ŋeer waayim na, ki ter nimi ke ni li ban ni ŋa tiwan ni ŋan na, ki tii nimi mpɔɔn ke ni li ŋani kina, ki tun lituln li ga mɔk ke ni gaa Yesu ki kii mbamɔm na.