Ilahn 51:14 - Uwumbɔr aagbaŋ

¹⁴ Uwumbɔr, taa junn maamɔfal. Nya mi tibɔbir ni, aan m di mpopiin moon saah kpa mbimbinyaan pu na.

Ilahn 51:14 ပူးပေါင်းရင်းမြစ်များ

Mpiin 42:22

Le Rubenn bui bi ke, “M nan tuk nimi ke ni taa ŋa tinaal ngbaan bakaa, le ni nan yii ke naan ŋun tii mi. Le dandana wee, waakun pu, ti bi ji falaa.”

Mpiin 9:6

Min Uwumbɔr naan unibɔn, ki di naŋ mbaa la, nima pu na, unii yaa ku uken kan, biken mu ga ku u.

2 Samuel 12:9

Ni ki ŋa kinye aan aa yii maamɔb ki tun titunwanbir timina? Aa cha bi ku Uria butɔb ni, aa cha Amonn yaab ku u, le aa gaa upuu.

2 Samuel 21:1

David aah nan ye Israel ni Juda yaab aabɔr n‑yoonn mu na, le nkon nan lir, ki ti saa ŋibimɔn ŋitaa. Kina pu le David nan baa Uwumbɔr nkon ngbaan aabɔr; le Uwumbɔr bui u ke, “Sɔɔl ni waamaal ku binib; u ku Gibeonn aatiŋ aanib.”

2 Samuel 3:28

David aah ŋun tibɔr ngbaan na, le u bui ke, “Uwumbɔr nyi ke m ni maanib aaŋaal aa bi Abner aakun mue ni.

Esra 9:13

Timi Aawumbɔr, saah ŋa timi tiwan mɔmɔk ki daa titafal pu na, ti nyi ke saa daa titafal ki ŋeer timi aatunwanbir, le ki cha ti ponn ni siib ŋmar.

Nehemia 9:33

Saah daa timi aatafal pu na, aa kpa mbamɔn; ti tun titunwanbir, le sin ma ŋani saah len pu na kaa joo cha.

Ilahn 25:5

Mɔk mi aan m li bi ke saabamɔn aah ban pu na, ba pu? sin le ye Maawumbɔr u gaal mi lir na. M ga li kpa gaakii tii si n‑yoonn mɔmɔk.

Ilahn 26:9

Taa di mi kpaan titunwanbirdam chee ki ku mi; nyan mi binikurb aadoon ni,

Ilahn 35:28

Le m ga moon saatunyaan aabɔr ki li pak si nwiin ni mu aalirm.

Ilahn 38:22

Uwumbɔr u gaal mi lir na, ter mi dandana wee.

Ilahn 55:23

Uwumbɔr, sin ma ga joo ni binikurb, ni binyamɔndam ngbaan baakaakul ni aan baamɔfal ligeln nin doo. Mma kan, m ga di naadii tii sin la.

Ilahn 68:20

Timi Aawumbɔr le ye Uwumbɔr u gaal binib lir na; uma le ye Tidindaan Uwumbɔr u nyani timi nkun ni na.

Ilahn 88:1

Ndindaan Uwumbɔr u gaal mi lir na, m wii le nwiin ti lir, le kinyeek kan, m bi aanimbiin ni.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 45:17

Le Uwumbɔr gaa Israel yaab ma lii, le Israel yaab aanyaŋ aan li kpa ndoon; Israel aanib aan ji inimɔɔn daalbaadaal.’”

Esekiel 33:8

M yaa len ke utunwanbirdaan ga kpo, le saa sak u ke u kpeln waabimbin aan ki ŋmar kan, u ga kpo, ki beenin ye utunwanbirdaan, le m ga chuu si taani waakun pu.

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

Daniel 9:7

Ndindaan, aa ŋani tiwan ni ŋan na n‑yoonn mɔmɔk, le tima joo ni inimɔɔn nan tii tibaa n‑yoonn mɔmɔk. Nimina ye mbamɔn ki tii timi bi bi Judea ni Jerusalem aatiŋ ni na, ni Israel yaab bi aa cha bi yaa ki bi ntim mu bi dandar na, ni mu duun na ni na, ke baa dii si mbamɔm.

Hosea 4:2

Bi puur tipuur le ki bii ti; bi geei inyamɔn, ki ku binib, ki su kinaayuk, ki ban tɔb aapuutiib. Libiil moo kpae la, le linikul libaa paa liken pu.

Habakuk 3:18

m tee ga li mɔɔni Uwumbɔr pu, m ga li kpa mpopiin Uwumbɔr u gaal mi lir na pu.

Lituln 18:6

Le bi kpak u kinikpakpak, ki seei u. Baah ŋa kina na, le Pɔɔl chuu waakekeln gbuk ki nyan kitangbaak, ni ye nsurm le ki tii bi, le ki bui bi, “Ni yaa kaa ŋmar kan, nimi aasin ga li bi nimi nibaa aaŋaal ni la, naa ye maataani. M ga di cha nimi, ki tuk binib bi kaa ye Juu yaab na le Yesu aabɔr.”

Lituln 20:26

Din, m tuk nimi mbamɔn la, unii ubaa ni ponn ni yaa kaa kan limɔfal li kaa kpa ndoon na kan, naa ye maataani.

Rom Yaab 10:3

Baa nyi Uwumbɔr aah ŋa pu aan ki len ke binib aabɔr ŋan u chee na. Bi nan ban ke bi dii nkaal aan ki ŋmar, ki yii Uwumbɔr aah ŋa pu ki cha binib aabɔr ŋan u chee na.