Ilahn 51:12 - Uwumbɔr aagbaŋ

¹² Gaa mi lii, aan m ki kan mpopiin, ki cha m li ye unii u keei saamɔb na,

Ilahn 51:12 ပူးပေါင်းရင်းမြစ်များ

Ilahn 119:133

Saah nan puu pu na, taa cha m lir, ki taa cha kinimbɔŋ nyaŋ mi.

Ilahn 13:5

M mak saageehm mu bi n‑yoonn mɔmɔk na pu; nsui ga piir, ba pu? aa ga gaa mi lii.

Ilahn 17:5

M chuun saasan ponn ni le n‑yoonn mɔmɔk, kaa kee yenn mu ni.

Ilahn 19:13

ki ki nyan mi titunwanbir ti m nyi ki tun ti na ni; taa cha ti li kpa mpɔɔn m pu, aan m li ŋan chain ki taa li kpa titunwanbir tibaa.

Ilahn 21:1

Uwumbɔr, ubɔr aasui piir, ba pu? aa tii u mpɔɔn; saah tii u linyaŋ pu na le u kpa mpopiin.

Ilahn 24:4

Binib bi aabimbin ni baalandak ŋan na, kaa dii ŋiwaa, kaa puur tipuur ti kaa gbiini na, bima baanja le kpa kina aasan.

Ilahn 35:9

Le Uwumbɔr pu, nsui ga piir; waah gaa mi lii pu na, le m ga li kpa mpopiin.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 49:13

Kitaapaak ni taab, li gaa mpopiin aalahn man. Cha ŋijoo li gaa ilahn man. Uwumbɔr ga sɔŋ waanib aasui; u ga san waanib bi bi falaa ni na kinimbaak.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Jeremia 10:23

Uwumbɔr, m nyi ke unii ubaa aa ye ubaa aabimbin aaninkpel; ubaa aa kpa waamɔfal aapɔɔn;

Tibɔnyaan ti Luk ŋmee ti na 1:47

M kpa mpopiin sakpen, Uwumbɔr u gaa mi lii na pu.

Rom Yaab 14:4

Aa ye ŋma ki galn uken aatutunn? U yaa sil kan, u sil ki tii uma ubaa Aadindaan la. U yaa ti ki lir kan, u lir ki tii uma ubaa Aadindaan la. Ni ye mbamɔn, u ga sil; ba pu? Uwumbɔr ga ŋmaa cha u sil.

Rom Yaab 8:15

Nfuur Nyaan mu Uwumbɔr tii nimi na, mu aa joo nimi tinaagbiir ke ni san ijawaan. Waafuur Nyaan le ŋa nimi waabim, le ki cha ti yin u ke “Nte.”

2 Korenti 3:17

Tidindaan ni Nfuur Nyaan ye Unibaan la. Nfuur Nyaan aah bi nin chee na, lifuur bi nima.

1 Piita 1:5

Naah gaa Yesu ki kii na, nima le Uwumbɔr aapɔɔn biin ni pu, ki ti saa buyoonn ni ga kan waah ga gaa nimi lii mbamɔm pu na, kookoo aataadaal.

Juud 1:24

Uwumbɔr u wiin chain na ga li ŋmaa joo nimi, ni taa lir, ki ga ŋmaa di nimi siin unimbiin ni, le ni ga li kpa mpopiin sakpen, kaan li kpa taani ubaa.