Ilahn 51:11 - Uwumbɔr aagbaŋ

¹¹ Taa jenn mi aanimbiin ni kookoo; taa chuu nyan Saafuur Nyaan m chee.

Ilahn 51:11 ပူးပေါင်းရင်းမြစ်များ

Mpiin 4:14

Aa nyan mi kitiŋ kee pu a, le ki chuu paar aaŋaal m pu. Maan ki li kpa maah ga koo nin chee na. Le maah ga li ye uchayiin pu na, unii umɔk kan mi na ga ku mi.”

Mpiin 6:3

Le Uwumbɔr bui ke, “Binib aah tun titunwanbir pu na, maan ki cha bi li bi ki yunn sakpen. N‑yoonn mue ki joo cha, maan ki cha unibɔn yunn ki ti jer ŋibin nkub ni moninko.”

2 Samuel 7:15

Maan tee nyan maaterm u chee ke maah nyan Sɔɔl u m nan nyan u ke aa ji nnaan na.

2 Bibɔrb 13:23

le Uwumbɔr nan kpa tibulchinn ki san bi kinimbaak. Waa nan kii ke bi kuln bi, le ki ter bi waah nan puu tipuur ti tii Abraham, ni Aisak, ni Jakob na pu. Waa kee suln waanib bɔr daalbaadaal.

2 Bibɔrb 23:27

Uwumbɔr nan bui ke, “Maah ŋa Israel aatiŋ pu na, kina le m ga ŋa Juda aatiŋ: m ga jenn nyan Juda aanib nnimbiin ni, le ki ga yii Jerusalem aatiŋ ki m lee ki na, ni Uwumbɔr Aadichal li ponn ni m bui ke bi li dooni mi na.”

2 Bibɔrb 24:20

Uwumbɔr aaŋuul nan fii Jerusalem ni Juda aanib pu sakpen, le u jenn nyan bi unimbiin ni.

Ilahn 43:2

Sin le ye u kii mi na; ba ŋa aa siir cha mi? ba ŋa m beenin ji falaa, maadim aah ŋa mi mbiin pu na pu?

Ilahn 71:18

Uwumbɔr, n‑yoonn mu m por aan n‑yil bi piir na, taa siir cha mi. Li bi m chee aan m moon saapɔɔn aah nyaŋ pu na tii n‑yoonn mu choo na aanib mɔmɔk.

Ilahn 71:9

N‑yoonn mu m por na, taa yii mi; taa yii mi n‑yoonn mu maa ki kpa mpɔɔn na.

Jeremia 7:15

M ga jenn nyan nimi nnimbiin ni, ke maah nan jenn nido yaab, Israel aanib pu na. Min Uwumbɔr le len kina.”

Tibɔnyaan ti Luk ŋmee ti na 11:13

Nimi titunwanbirdam yaa tee nyi ipiin i ŋan na ki tii nimi aabim kan, ŋmaninkabaa Nite Uwumbɔr u bi paacham na le aan di Waafuur Nyaan tii binib bi mee u ki ban mu na aa?”

Jɔnn 14:26

Nte Uwumbɔr ga tun ni Uteter, maayimbil pu. Uteter ngbaan ye Waafuur Nyaan la. Uma le ga mɔk nimi tibɔr mɔmɔk aatataa, ki ga teer nimi maah tuk nimi tibɔr timɔk na.

Rom Yaab 1:4

Uwumbɔr nan fikr u nkun ni, le Waafuur Nyaan mɔk ke u ye uma Uwumbɔr Aajapɔɔn u kpa mpɔɔn na.

Rom Yaab 8:9

Tɔ, Uwumbɔr Aafuur Nyaan yaa bi ni ni kan, naa dii mbimbikpok aah ban pu na, ni dii Nfuur Nyaan aah ban pu na la. Kristo Aafuur Nyaan yaa kaa bi unii ni kan, udaan ngbaan aa ye Kristo yoo.

Efesusi 4:30

Ni taa ŋani tiwan ni ga tii Uwumbɔr Aafuur Nyaan mpombiin. Nfuur Nyaan ngbaan ye kidaan, le Uwumbɔr di daan nimi, ki mɔk ke uma le yeh nimi. N‑yoonn mbaa bi ki choo, u ga nan gaa nimi lii kookoo.

2 Tesalonika 1:9

Tidindaan ga nyan bi unimbiin ni, waapɔɔn ni waawiihn sakpiin chee. U ga daa bitafal, ki cha bi ji falaa n‑yoonn mu kaa kpa ndoon na.

Bibɔjirb 13:25

Le waah nan bi Dann aajab aakakaa ni, Sora ni Estaol aatim aakaasisik ni na, Uwumbɔr Aafuur Nyaan piin ki tii u mpɔɔn.

Bibɔjirb 15:14

Waah ti fuu Lehi aatiŋ ni na, le Filistia yaab san choo u chee ki tar u pu. Libuul ngbaan ni le Uwumbɔr Aafuur Nyaan gbiin u ki cha u pɔɔk nyib, le u daa keei iŋmin i buu uŋaal na ke yaah ye tikokonn ti wun mmii na le na.

Bibɔjirb 16:20

Delila nan teen mpɔɔn pu ke, “Samsonn, Filistia yaab choo.” U nan finn le ki dak usui ni ke, “M ga ti gaa mbaa lii ke maah ti ŋani pu na.” Waa nan nyi ke Uwumbɔr aa nan ki bi u chee.

1 Samuel 10:10

Sɔɔl ni waatutunn aah nan ti fuu Gibea na, Uwumbɔr aabɔnabtiib bibaa nan tooh u nsan ni. Libuul ngbaan ni le Uwumbɔr Aafuur Nyaan nan gbiin u, le u buen ti kpaan bi chee ki bi pak Uwumbɔr, Waafuur Nyaan aapɔɔn pu.

1 Samuel 16:14

Uwumbɔr Aafuur Nyaan nan nyan Sɔɔl ni, le Uwumbɔr di tiyayaar tun ni Sɔɔl pu, le ti joo u muk.