Ilahn 51:1 - Uwumbɔr aagbaŋ

¹ Uwumbɔr, san mi kinimbaak, saageehm mu bi n‑yoonn mɔmɔk na pu. Saanimbaasaln sakpeln pu, finn nyan maatunwanbir.

Ilahn 51:1 ပူးပေါင်းရင်းမြစ်များ

2 Samuel 11:2

Daalbaadaal aajoowiin pu, le David nan fii waafuur aadɔdooyaan, ki buen libɔrdichal aapaacham. Waah bi chuun paacham ngbaan na, le u kan upii ubaa bi fu nnyun. U nan ŋan sakpen.

Nehemia 4:5

Taa suln baatunwanbir pu ki di cha pinn bi baataani; ba pu? bi sii timi bi bi maa na la.”

Ilahn 106:45

Bima pu le u teer waah nan puu tipuur ti na, le waageehm sakpem pu, u sɔŋ usui.

Ilahn 106:7

Tiyaajatiib aah nan bi Ijipt aatiŋ ni na, baa nan bee Uwumbɔr aatukpaan aatataa; bi nan suln waah mɔk bi waageehm kaa ti ki nyi mumɔk pu na, le ki yii waamɔb Limɔɔkal Aanyusakpem na chee.

Ilahn 109:21

Ndindaan Uwumbɔr, tee ter mi ke saah nan puu ke aa ga ŋa pu na, ki gaa mi lii saageehm nyaan sakpem pu.

Ilahn 119:124

Li joo mi, saatutunn, ke saageehm na aah ban pu na, ki mɔk mi saakaal.

Ilahn 145:9

U kpa unibɔn mɔmɔk pu tiŋann, ki san waah naan tiwan ni mɔmɔk na kinimbaak.

Ilahn 4:1

Maawumbɔr, maakikiir, m yaa mee si kan, kii mi. Maah nan bi limukl ni na, aa nan ter mi. San mi kinimbaak dandana wee, ki pel maameel.

Ilahn 40:11

Uwumbɔr, m nyi ke saan di cha kaan san mi kinimbaak. Saageehm, ni saah si chob pu na le ga li kii mi n‑yoonn mɔmɔk.

Ilahn 5:7

Le saageehm sakpem pu m ga ŋmaa koo ni Saadichal ni; m ga ŋmaa doon si Saadichal li bi chain na ponn ni, ki di kipak gbaan aanimbiin ni.

Ilahn 51:9

Taa cha aanimbil kan maatunwanbir, ki finn nyan maabɔbir mɔmɔk.

Ilahn 69:13

Uwumbɔr, le m ma ga mee si; Uwumbɔr, kii mi buyoonn aa gee na. Saageehm sakpiin pu, kii maayim, ba pu? aa joo saapuur ti aa puu ke aa ga gaa binib lii na.

Ilahn 69:16

Uwumbɔr, saageehm mu bi n‑yoonn mɔmɔk na pu, ŋun maayim; di saah san kinimbaak sakpen pu na fenn lik mi.

Ilahn 77:9

Uwumbɔr suln kaa ki san kinimbaak la aa? Liŋuul le gaa kinimbaak aabuul ni ii?”

Aisaya 43:25

Nee aapuwɔb na, min le ye Uwumbɔr u joo cha pinni nimi, nimi aatunwanbir na; le m ŋani nimina maabimbinyaan pu. Maa daa nitafal nimi aatunwanbir pu.

Aisaya 44:22

Israel yaab, m ŋar nimi aatunwanbir ŋŋaan ke ntaalangbam aah san jer pu na. Gir ni m chee man; min le ye u gaal nimi lir na.”

Aisaya 63:15

Uwumbɔr, saah bi paacham nin chee ni bi chain ki kpa kipak na, san timi kinimbaak. Saalandak mu aa nan kpa ti pu na bi la chee? Saapɔɔn bi la chee? Saageehm ni saanimbaasaln bi la chee? Taa suln tibɔr.

Aisaya 63:7

Le m bui ke m ga len Uwumbɔr aageehm aah kaa door pu na; m ga pak u waah ŋa pu tii timi na pu. U ŋa tinyoor ti nyuun na ŋa Israel yaab pu, waageehm, ni waanimbaasaln pu.

Jeremia 18:23

Tɔ, Uwumbɔr, aa nyi baah kpokl pu ke bi ku mi na. Taa di baatunwanbir cha pinn bi, ki taa di cha baataani. Buyoonn saaŋuul fii na kan, mee bi lii ki nyaŋ bi.”

Inandalahn 3:32

Nibaakan, u ga joo ni timi falaa, tɔ, waageehm mu u kpa ti pu na bi ki pɔɔ.

Daniel 9:18

Uwumbɔr, pel ti chee, lik timi, ki kan taah bi tibɔr ti ponn ni na, ki lik kitiŋ ki bi di saayimbil yin ki na aamukl. Saah san unibɔn kinimbaak pu na, le ti mee si, naa ye ke ti tun ni ŋan na la.

Daniel 9:9

Aa ye unimbaasaln la, ki joo cha pinni titunwanbir mu, le tima yii si.

Lituln 3:19

Nima pu na, kpeln nimi aabimbin man, ki dii Uwumbɔr aasan. Ni yaa ŋa kina kan, Uwumbɔr ga di cha pinn nimi aatunwanbir, ki tii nimi lifuur,

Kolosiya 2:14

Taah ba ga ŋa pu na le ŋmee kigbaŋ pu. Taah kaa ŋa kina na, nima le timi aabɔr bii. Le Kristo aah nan kpo ndɔpuinkoo pu na, nima le Uwumbɔr aa ki len ke timi aabɔr bii.