Ilahn 50:23 - Uwumbɔr aagbaŋ

²³ Idoon le ye kitork ki ga nyuŋ mi na, le m ga sil gaa binib bimɔk kii maamɔb na lii.”

Ilahn 50:23 ပူးပေါင်းရင်းမြစ်များ

Ilahn 120:1

Maah nan bi tibɔr ni na, m nan yin Uwumbɔr, le u nan kii maayim ngbaan.

Ilahn 22:23

“Nimi bi ye Uwumbɔr aatutum na, pak u man. Nimi Jakob aayaabitiib, nyuŋ u man. Nimi Israel aanib, doon u man.

Ilahn 25:14

Uwumbɔr aajɔtiib le ye binib bi keei waamɔb na, le u mɔk bi waah puu tipuur ti na aatataa.

Ilahn 27:6

aan m kan linyaŋ maadim bi mann goln mi na pu. M ga di mpopiin aafuuk toor kitork Waadichal ni; M ga gaa ilahn, m ga pak Uwumbɔr.

Ilahn 34:5

Baah muk binib bi na di bibaa tii u, le bisui piir; baan ji inimɔɔn kpala.

Ilahn 85:13

Mbimbinyaan le ga loln Uwumbɔr pu nsan, ki toor nsan tii u.

Ilahn 85:9

Mbamɔn, binib bi nyuŋni u na, u ga sil gaa bi lii, le waapɔɔn ga li bi timi aatiŋ ni ki gaa timi lii.

Ilahn 86:12

Ndindaan Uwumbɔr, m ga di nsui mɔmɔk pak si, m ga li mooni saah tun ŋitukpaan ŋi na pu n‑yoonn mɔmɔk.

Ilahn 86:9

Saah naan ŋitimbol ŋi mɔmɔk na ga dan ki nan gbaan aanimbiin ni; bi ga pak saah tun ŋitukpaan ŋi na.

Ilahn 91:16

M ga di limɔfafɔfɔŋ le tii bi; m ga gaa bi lii.”

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 45:17

Le Uwumbɔr gaa Israel yaab ma lii, le Israel yaab aanyaŋ aan li kpa ndoon; Israel aanib aan ji inimɔɔn daalbaadaal.’”

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Tibɔnyaan ti Luk ŋmee ti na 2:30

ki cha nnimbil kan Saabo u ga gaa timi lii na.

Jɔnn 7:17

Unii ubaa yaa ban ke u ŋa Uwumbɔr aageehn kan, u ga bee ke maah mɔk binib pu na, ni ye Uwumbɔr aamɔkm la, naa ye min mbaa aamɔkm.

Lituln 11:14

u ga tuk u tibɔr ti ga cha u ni waachiln ponn ni aanib mɔmɔk ŋmar na.

Lituln 13:26

Tɔ, Pɔɔl nan ki bui bi, “Nnaabitiib, Abraham aayaabitiib, ni binib bi kaa ye Juu yaab ki pak Uwumbɔr na, timi chee le Uwumbɔr nan tun ni tibɔnyaan ke u ga gaa timi lii.

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Rom Yaab 15:6

aan ni mɔmɔk li kpaan kimɔbaan ki nyuŋ Uwumbɔr, u ye Tidindaan Yesu Kristo aate na.

Rom Yaab 15:9

ki cha binib bi kaa ye Juu yaab na mu nyuŋ Uwumbɔr waanimbaasaln pu, ke naah ŋmee waagbaŋ ponn ni ke, “M ga doon si binib bi kaa ye Juu yaab na aakaasisik ni, ki gaa ilahn ki pak si.”

Galantiya 1:24

Nima le cha bi nyuŋ Uwumbɔr m pu.

Galantiya 6:16

Binib bimɔk kii kina na le ye Uwumbɔr aanib, ki ye Israel yaab bamɔm. Uwumbɔr tii bi nsuudoon ki san bi kinimbaak.

Filipi 1:27

Tibɔkpaan le ye ke nimi aabimbin li bi Kristo aabɔnyaan tee aah mɔk nimi pu na, aan m yaa dan nan mann nimi, bee m yaa kaa dan kan, m ga ŋun nimi aabɔr, ke ni si Yesu aachaŋ ni, ki kpa kimɔbaan, ki kpaan tuk binib Yesu aabɔnyaan, ke bi gaa u ki kii.

Jemisi 3:13

Tɔ, unii ubaa bi ni ponn ni ki kpa nlan ni ŋuntii ii? Ni ŋan ke waabimbinyaan le mɔk ke u kpa. U li bi suuna, ki li kpa nlan, ki tun litunyaan.

1 Piita 1:15

Cha nimi aabimbin mɔmɔk li bi chain, ke Uwumbɔr u yin nimi na aabimbin aah bi chain pu na.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.