Ilahn 50:21 - Uwumbɔr aagbaŋ

²¹ Ni ŋani nimina mɔmɔk, le maa len tibaa, kina pu le ni dakl ke m mu bi kina la. Tɔ, dandana ma kan, m ban m galn nimi la, ki nyan tibɔr ngbaan lipaal tii nimi.

Ilahn 50:21 ပူးပေါင်းရင်းမြစ်များ

Job Aagbaŋ 34:33

Saah kaa kii tii Uwumbɔr aah ŋani pu na na, aa dak ke u ga ŋa saah ban pu na aa? Timina ye sin yaar la, naa ye min yaar; bui timi saah dak pu na.

Ilahn 50:3

Timi Aawumbɔr choo, le kifuuk dii u; mmii mu gaal mpɔɔn pu na le loln u pu nsan, le libuln li pɔɔ sakpen na mann goln u.

Ilahn 50:8

Maa galni nimi kitork ni nimi aatork ki ni joo seer mmii ni tii mi n‑yoonn mɔmɔk na pu la,

Ilahn 73:11

Bi len le ke, “Uwumbɔr aan li nyi; Mpɔɔndaan u bi paacham na aan bee.”

Ilahn 90:8

Aa joo timi aatunwanbir bilni aanimbiin ni, hali timi aatunwanbir ti bɔr na, aa joo bilni nin chee aa ga li waa ti na la.

Nnyam 3:14

Le Uwumbɔr bui u ke, “M ye maah ye u na la. Aa tuk bi ke ‘Baah yin u ke M‑ye‑na le tun ni si.’

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Ulandaan 12:14

Uwumbɔr ga ji timi tibɔr, timi aatun mɔmɔk pu. U ga ji timi tibɔr, timi aatunyaan, ni ŋi kaa ŋan na, ni taah tun ŋi libɔɔl ni na pu.

Aisaya 26:10

Saah po ŋani bibiindam tiŋann na, baa kee bae ke bi ŋa ni ŋan na. Hali nin chee bininyaam bi na, bi beenin ŋani ni kaa ŋan na; bi yii, kaa bee ke aa kpa mpɔɔn sakpen.

Aisaya 42:14

Uwumbɔr bui ke, “Ni yunn pam maa gar tibɔr; maa nan gar maanib, le dandana, n‑yoonn fuu ni ke m fii sil; m wii ke imalween aah joo upii kan, u wii pu na.

Aisaya 57:11

Uwumbɔr bui ke, “Ŋiwaa ŋi cha ijawaan chur nimi na ye ŋma, le ni tuk mi inyamɔn aabɔr ki suln m pu kookoo? Maah ŋmin suuna kaa ki gar nimi ni yunn sakpen na, le naa ki pak mi ii?

Jeremia 2:23

Ni ga ŋa kinye ki bui ke naa bii nibaa, ki len ke naa kee doon liwaal Baal? Lik naah nan tun titunwanbir ti kifataŋ ni na; lik naah tun pu na. Ni naahn timoor ni aalaakumii u ban u jon ki san yɔl yɔl,

Amos 8:7

Uwumbɔr u ye Israel yaab Aadindaan na le puu ke, “Maan suln baatunwanbir pu kpala.

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

2 Piita 3:9

Tidindaan aan taan ke u ŋa waah puu tipuur ti na, ke binib bibaa aah dak pu na. U ji limɔr ni pu la, kaa ban ke unii ubaa bii. U ban ke binib mɔmɔk kpeln baabimbin ki ŋmar la.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.