Ilahn 50:19 - Uwumbɔr aagbaŋ

¹⁹ N‑yoonn mɔmɔk kan, ni gor ki ban ke ni len tibɔbir la; le ki mɔni inyamɔn n‑yoonn mɔmɔk.

Ilahn 50:19 ပူးပေါင်းရင်းမြစ်များ

Ilahn 10:7

Waamɔliin ye tipuun, ni inyamɔn, ni tifaan ŋmeen la, le ki len titunwanbir, ni kinanaŋ aabɔr mala mala.

Ilahn 5:9

Maan kii tii maadim aah len pu na; bi ban bi li bii baanja la. Baamɔliin mɔ le ki joon; le ki tee gbii ŋŋmann mu ga ku na.

Ilahn 55:12

Ni yaa ba ye ke maadin le laa mi kan, m ba ga ŋmaa joo ti; ni yaa ba ye ke unii u kpak mi na le bi kpa kipupuk kan, m ba ga ŋmaa di mbaa bɔr.

Ilahn 55:21

Waamɔbon nan mɔ ke tisiir na, le uponn ni ma tee to; waamɔbon nan sɔŋni unii aasui ke nkpapem na, le ki tee geei ke kijaak aajuk ki ka na.

Jeremia 9:5

Bi ŋmanni bijɔtiib la, le ubaa aa len ibamɔn, bi mɔk bilambil inyamɔn aageei pu, kaan di cha titunwanbir aatuln. Bi yaa ti tun titunwanbir tibaa kan, le bi di tiken kpee ni, le tibɔŋmannkaan tibaa paa tiken pu. Uwumbɔr bui ke waanib yii u.

Hosea 4:2

Bi puur tipuur le ki bii ti; bi geei inyamɔn, ki ku binib, ki su kinaayuk, ki ban tɔb aapuutiib. Libiil moo kpae la, le linikul libaa paa liken pu.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”