Ilahn 50:1 - Uwumbɔr aagbaŋ

¹ Tidindaan Uwumbɔr Mpɔɔnsakpiindaan le len na; u yin kitiŋ kee pu yaab mɔmɔk ki nyan liwipuul ki ti saa liwilir wɔb.

Ilahn 50:1 ပူးပေါင်းရင်းမြစ်များ

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

1 Bibɔrb 18:21

Elaija nan buen binib ngbaan chee le ki ti bui ke, “Ni ga ki yunn kinye aan ni kpeln nimi aalandak? Uwumbɔr le yaa ye Nidindaan kan, ni li dooni u; liwaal Baal le yaa ye nidindaan kan, ni li dooni li.” Tɔ, binib ngbaan aa nan gar tibaa.

1 Bibɔrb Aabɔr 15:17

Bi nan nyan bilahngaab aataŋaal ni, binib bimina le ke bi li yak tikumann aachayakrtuun: Joel aajapɔɔn Hemann, ni udo yoo Berekia aajapɔɔn Asaf, ni Kusaya, u nyan ni Merari aataŋaal pu na aajapɔɔn Etann. Bi nan lee Liifai yaab bimina le ke bi li gbaa tibar ti aaneel pɔɔ na ki ter bi. Bima le ye Sekaria, ni Jaasiel, ni Semiramof, ni Jehiel, ni Uni, ni Eliab, ni Maaseya, ni Benaya. Baah nan lee bi mu ke bi li gbaa tibar ti aaneel diin na sɔ: Matitia, ni Elifelehu, ni Mikneya, ni Asasia, ni Uwumbɔr Aadichal aakikiib ponn ni bilee, Obed Edom ni Jeyel.

1 Bibɔrb Aabɔr 16:37

Ubɔr David nan di Asaf ni udo yaab Liifai yaab biken le siin ke bi li yeh Uwumbɔr aadoon aatuln, Nkaal Aadakaa aah si nin chee na. Bima le nan ye binib bi tun lituln nima chee iwiin mɔmɔk na.

1 Bibɔrb Aabɔr 25:2

Asaf aajapɔtiib binaa bimina; Sakur, ni Josef, ni Netania, ni Asarela. Bite Asaf le nan lolni bi pu nsan ki mooni Uwumbɔr aabɔr n‑yoonn mu ubɔr ti siin na.

1 Bibɔrb Aabɔr 25:6

Bite le nan lolni mbijabim ngbaan pu nsan le bi mɔmɔk gbaa tibar ki yik ichayakrtuun ki dii Uwumbɔr Aadichal ponn ni aadoon. Ubɔr le nan tii Asaf, ni Jedutunn, ni Hemann baatun.

1 Bibɔrb Aabɔr 6:24

ni Tahaf, ni Uriel, ni Usia, ni Saul.

2 Bibɔrb Aabɔr 29:30

Ubɔr ni binib ngbaan aasalolm nan bui Liifai yaab ke bi gaa ilahn i Ubɔr David ni Uwumbɔr aabɔnabr Asaf nan ŋmee na ki pak Uwumbɔr. Kina pu le binib ngbaan mɔmɔk nan beenin gbaa tiwan ki gaa mpopiin aalahn ki pak Uwumbɔr.

Nehemia 9:32

Uwumbɔr, timi Aawumbɔr, saapɔɔn wiir sakpen; Unii mɔk san si ijawaan, le saapɔɔn ti nyaŋ. Aa joo saah nan puu tipuur ti na mbamɔm. Ki nyan buyoonn Asiria aatiŋ aabɔrb nan muk timi na, hali ki nan saa din, taah jin falaa u na nyaŋ a. Timi aabɔrb, ni timi aayidam, ni timi aatotoorb, ni saabɔnabtiib, ni tiyaajatiib, ni timi aanib mɔmɔk jin falaa la. Teer taah jin falaa sakpen pu na.

Nehemia 9:6

Le Israel aanib mee limeel limina: “Uwumbɔr, sin baanja le ye Uwumbɔr. Sin le naan paacham ni iŋmabi i bi kitaapaak na. Sin le naan kitiŋ, ni nnyusakpem, ni tiwan ni mɔmɔk bi ni ponn ni na; sin le tii ni mɔmɔk limɔfal. Paacham aawan mɔmɔk gbaani le ki dooni si.

Ilahn 113:3

Pak Uwumbɔr aayimbil man, ki nya liwipuul ki ti saa liwilir.

Ilahn 73:1

Uwumbɔr sil kpa Israel yaab pu tiŋann, u kpa binib bi aasui ponn ni ŋan na pu tiŋann.

Ilahn 74:1

Uwumbɔr, ba ŋa aa san cha mi kina? Aa gee aabaa aanib pu liŋuul li kaa kpa ndoon na la aa?

Ilahn 75:1

Uwumbɔr, ti dooni si, ti dooni si. Ti mooni saah kpa mpɔɔn sakpen pu na, ki tuk binib saah tun ŋitusakpiin ŋi na aabɔr.

Ilahn 76:1

Juda aatiŋ yaab mɔmɔk nyi Uwumbɔr bɔr; Israel yaab nyuŋni waayimbil.

Ilahn 77:1

M wii mpɔɔn pu ki yin Uwumbɔr, m wii mpɔɔn pu, le u ŋun maawiil pu.

Ilahn 78:1

Maanib, li pel maamɔkm man, ki pel maah ban m len pu na mbamɔm.

Ilahn 79:1

Uwumbɔr, binib bi kaa nyi si na koo ni saatiŋ ni. Bi bii Saadichal li bi chain na, le ki cha Jerusalem gur ye tilangbenn.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Ilahn 81:1

Uwumbɔr u ye timi aakikiir na pu, di mpopiin teen mpɔɔn pu man; gaa kipak aalahn tii Uwumbɔr. Uma le tiyaaja Jakob mu nan dii.

Ilahn 82:1

Uwumbɔr le ye paacham aaninkpiib aakuun ni aayidaan; bitinjoob aakuun ni, u tii bi waalandak ke,

Ilahn 83:1

Uwumbɔr, taa li ŋmin; taa li si suuna ki ŋmin kina.

Aisaya 1:2

Uwumbɔr len ke, “Kitiŋ ni paacham, li pel man maah len pu na. Binib bi m kpiin bi na fii sil m pu.

Aisaya 37:20

Kina pu na, Tidindaan Uwumbɔr, gaa timi Asiria yaab ngbaan chee, aan ŋitimbol mɔmɔk bee ke sin baanja le ye Uwumbɔr.”

Aisaya 54:5

U naan si na ga li bi ke chal na le aa chee, waayimbil le ye Uwumbɔr Mpɔɔnsakpiindaan. Israel yaab Aawumbɔr u bi chain na le ga gaa si lii, uma le ye dulnyaa mɔmɔk aayidaan.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 10:6

Uwumbɔr, ubaa aa bi ke sin na; saapɔɔn nyaŋ sakpen a, le saayimbil nyuun ki kpa mpɔɔn.

Amos 3:8

Uchinn yaa ŋuun kan, ijawaan chur binib mɔmɔk la. Tidindaan Uwumbɔr yaa len tibɔr kan, ŋma bi kaan nabr ti tii biken?

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Matiu 25:32

Le bi ga kuun ni dulnyaa wee ni aanib mɔmɔk nnimbiin ni. Le m ga yakr bi ke upihkpaal aah yakr ipiih ni iŋoob pu na,

Josua 22:22

“Uwumbɔr le ye Mpɔɔndaan. Uma le ye Uwumbɔr. Uwumbɔr le ye Mpɔɔndaan. Uma le ye Uwumbɔr. Uma le nyi tiwan ni pu ti ŋa kina na, le ti ban ni mu bee ni. Ni yaa ye ke ti tun titunwanbir Uwumbɔr chee, kaa kii waamɔb kan, ku timi man, ki taa cha ti ki li bi man.