Ilahn 5:4 - Uwumbɔr aagbaŋ

⁴ Aa ye Uwumbɔr u kaa gee titunwanbir na la; saa cha kinimbɔŋ duun ni si.

Ilahn 5:4 ပူးပေါင်းရင်းမြစ်များ

1 Bibɔrb Aabɔr 29:17

M nyi ke aa tɔŋni unii mɔk aasui lik, le aasui piin binib bi aabimbin ŋan na pu. Mbimbinyaan ni ngeehm ponn ni le m di nsui mɔmɔk tii si nimina mɔmɔk ki kan ke binib bi mɔmɔk kuun do na kpa mpopiin le ki joo ni si ipiin.

Ilahn 101:7

Unyamɔndaan ubaa aan kan nkookoo yaan maabɔrchiln ni; uŋmaŋmannii ubaa aan sil nnimbiin ni.

Ilahn 11:5

U tɔŋni ki lik binib bi ŋan na, ni bi kaa ŋan na mɔmɔk la, kaa gee binib bi kaa dii waakaal na.

Ilahn 140:13

Binib bi aabimbin ŋan na ga sil pak si; bi ga li bi aanimbiin ni la.

Ilahn 50:21

Ni ŋani nimina mɔmɔk, le maa len tibaa, kina pu le ni dakl ke m mu bi kina la. Tɔ, dandana ma kan, m ban m galn nimi la, ki nyan tibɔr ngbaan lipaal tii nimi.

Ilahn 63:2

Cha m kan si saadichal ni, cha m kan saah kpa mpɔɔn, ni kipak pu na.

Ilahn 88:14

Uwumbɔr, ba ŋa aa yii mi? Ba ŋa aa fenn aapuwɔb tii mi?

Ilahn 92:15

Nimina le mɔk ke Uwumbɔr si chob la, maakikiir aa kpa ngalm mubaa.

Ilahn 94:20

Aa ni bibɔjirb bi gaal igaŋgaŋlik na aa kpaani tɔb chee. Bima le cha ibamɔn gangal tun lituln,

Habakuk 1:13

Tɔ, ba ŋa saa daa bibiindam ngbaan aatafal? Aanimbil bi chain pam kaan ŋmaa lik titunwanbir, kaan ŋmaa li si lik aan binib ŋani tiwan ni kaa ŋan na. Kina pu na, ba ŋa aa ka ŋmin aan bi bi kuln binib bi aabimbin ŋan jer baabimbin na?

Malakai 2:17

Ni cha Uwumbɔr ti kpaan bak naah len tibɔr pu na pu. Tɔ, le ni baa ke, “Ti ŋa kinye ki tii u tibakr?” Naah len tibɔr pu na, le ni tii u tibakr; ba pu? ni len ke “Uwumbɔr Mpɔɔnsakpiindaan dak ke titunwanbirdam mɔmɔk ŋan le na; ke mbamɔn, u gee bi la,” ki ki len ke, “Uwumbɔr u tii binib ibamɔn na bi la chee?”

Jɔnn 14:23

Le Yesu bui u, “Unii yaa gee mi kan, u ga kii maaliin, le Nte Uwumbɔr ga li gee u, le ti ga dan u chee, ki ga li bi u chee.

Hiibru Yaab 12:14

Ni mɔmɔk pɔɔ nibaa ki li kpa kimɔbaan man, ki li bi chain. Unii umɔk kaa ye chain na aan kan Tidindaan.

2 Piita 3:13

Uwumbɔr mu aah nan puu tipuur ti na, ti kpa limakl ke paacham pɔɔn ni kitipɔŋ ga li bi. Nima chee le tiwan mɔmɔk ga li bi mbamɔm.

Tibɔkpiirkaan 21:23

Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.

Tibɔkpiirkaan 21:27

Tiwan ni kpa tijɔŋ na nibaa aan koo ni ki ponn ni. Binib bi dii ŋiwaa na ponn ni ubaa aan koo ni. Binib bi mɔln inyamɔn na ponn ni ubaa mu aan koo ni. Binib bi aayimbil ŋmee Upihbo ngbaan aamɔfal aagbaŋ ni na baanja le ga koo ni.