Ilahn 5:11 - Uwumbɔr aagbaŋ

¹¹ Le binib bi kan ŋŋmarm aa chee na ma ga li mɔɔni; bi ga ŋmaa gaa ilahn mpopiin pu n‑yoonn mɔmɔk. Li kii binib bi mɔmɔk gee si na; ba pu? sin pu le bi kpa mpopiin bamɔnn.

Ilahn 5:11 ပူးပေါင်းရင်းမြစ်များ

Job Aagbaŋ 38:7

Liyaadaal ngbaan aachakpitaawoln iŋmabi nan kpaan ki gaa ilahn, le Uwumbɔr aatuuntiib tar mpɔɔn pu ni mpopiin.

Ilahn 2:12

li gbeer man ki ti gbaan unimbiin ni; naa ye kina kan, waaŋuul ga fii mala, le ni ga kpo libuul ngbaan ni. Binib bi mɔmɔk chaa u chee ti ban ke u kiir bi na kpa mpopiin.

Ilahn 35:27

Cha binib bi ban ke bi kan ke m nyan tibɔr ni na li tar mpopiin pu ki len, ki ki gir len ke, “Uwumbɔr aapɔɔn nyaŋ a. Usui piir waatutunn aah kan linyaŋ pu na pu.”

Ilahn 40:16

Cha binib bimɔk choo aa chee na kan mpopiin ni mmɔɔn. Cha binib bimɔk dooni si saah gaa bi lii pu na len n‑yoonn mɔmɔk ke, “Uwumbɔr aapɔɔn nyaŋ a.”

Ilahn 58:10

Uwumbɔr yaa daa mbiindam aatafal kan, le ni piir binib bi aabimbin ŋan na aasui, le bi ga lul bibiindam aasin ponn ni ki jer.

Ilahn 65:13

Ipiih le gbii nkpaatan aatiŋ ni; tifatann mɔmɔk ni ye njikaabim la. Tiwan mɔmɔk tar le ki gaa mpopiin aalahn.

Ilahn 68:3

Le bininyaam ma kpa mpopiin ki mɔɔni unimbiin ni, bi kpa mpopiin le ki tar mmɔɔn pu.

Ilahn 69:36

le waatutunn aayaabitiib nan ji kaafaal, le binib bi gee u na li koo nima.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Rom Yaab 8:28

Ti nyi ke tiwan nimɔk pii timi na, Uwumbɔr le cha ni mɔmɔk kpaln tiwan ni ŋan na ki tii binib bi gee u na. Waageehn pu le u nan yin bi.

1 Korenti 2:9

Ni ŋmee Uwumbɔr Aagbaŋ ni ke, “Tiwan ni binib aanimbil aa kee kan ni, bitafal mu aa kee ŋun ni pu, aan baalandak aa kee dakl naabɔr na, nima le Uwumbɔr ŋa tii binib bi gee u na.”

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

Jemisi 2:5

Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.

Bibɔjirb 5:31

Uwumbɔr, cha saadim mɔmɔk kpoi kina, ki tee cha aajɔtiib li moor lak lak ke nwiin mu laa bi puur ni na. Tɔ, nsuudoon nan bi kitiŋ ngbaan pu ki ti saa ŋibin imonko ilee.