Ilahn 49:6 - Uwumbɔr aagbaŋ

⁶ kaa san titunwanbirdam bi di naadii tii baawangol, ki puur tipupuur baawankpal sakpeln ngbaan pu na ijawaan.

Ilahn 49:6 ပူးပေါင်းရင်းမြစ်များ

Esta 5:11

U nan puk kipupuk bi chee, waah kpa liwangol pu na, ni waah kpa japɔtiib sakpen pu na, ni ubɔr aah tii u tininkpir ti na, ni waah nyuun ki jer ubɔr aaninkpiib biken pu na.

Ilahn 112:7

Bi yaa tuk u nsuubiin aabɔr kan, naa chur u ijawaan; u kpa gaakii u pɔɔ na, le ki kpa Uwumbɔr pu limakl.

Ilahn 112:8

Waa san ijawaan, le nibaa aa muk u; u ga sil kan ke waadim lir.

Ilahn 52:7

“Lik, uja u kaa nan di Uwumbɔr yin nibaa na sɔ, u nan lik waawangol pu la, ki dak ke mbiin le ga tii u lifuur ki gaa u lii.”

Ilahn 56:5

Maadim ban tibɔr tii mi kina le nwiin ti lir; n‑yoonn mɔmɔk kan, bi ban isan le ke bi tii mi titotonn.

Ilahn 56:7

Uwumbɔr, daa bitafal, baatunwanbir pu, nyaŋ binib ngbaan buyoonn saaŋuul fii na.

Ilahn 62:10

Taa tii mbimbinpɔɔl naadii; taa li mak ke nnaayupɔɔn ga tii si tinyoor tibaa; hali saawangol yaa moo kpae kan, taa li ka nyiibaa li pu.

Ŋiyataŋak 10:15

Biwankpadam aawangol le kii bi, le igiin mu ku bigiim.

Ŋiyataŋak 11:28

Binib bi di baanaadii tii liwangol na ga lir ke lipeel aafar na, le binib bi kpa mbimbinyaan na ga kan liwangol ke kiseek ni aafar na.

Ŋiyataŋak 23:5

Saamombil ga ŋmaa fii ke ŋaah kpa ifeen ke likaagiil na la, ki cha si.

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Hosea 12:8

Bi len le ke, ‘Ti ye biwankpadam la. Ti kan liwangol sakpen. Le ubaa aan ŋmaa galn timi ke ti ji biken.’

Tibɔnyaan ti Mak ŋmee ti na 10:24

Waah len kina na, le ni gar waadidiliib pam. Le u ki bui bi, “Maabim, ni pɔɔ sakpen ke binib [bi tii liwankpal naadii na] koo Uwumbɔr aanaan ni.

Tibɔnyaan ti Luk ŋmee ti na 12:19

Le m ga bui mbaa, M kpa tijikaar ti ga fuu mi ŋibin sakpen na. M ga fuur, ki ji, ki nyu, ki li mɔɔni.’

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.