Ilahn 49:11 - Uwumbɔr aagbaŋ

¹¹ Baakaakul ga li ye bido ki ti saa n‑yoonn mu kaa kpa ndoon na; nima chee le bi ga li bi n‑yoonn mɔmɔk, bi mu nan tee kpa bibaa aatim n‑yoonn mubaa.

Ilahn 49:11 ပူးပေါင်းရင်းမြစ်များ

Mpiin 4:17

Kainn aapuu nan dek, ki ma ubijabo, ki yin u ke Enok, le Kainn aah nan bi nin chee na nan ŋa kitiŋ, le u di ujapɔɔn ngbaan aayimbil, ki di yin kitiŋ ngbaan.

2 Samuel 18:18

Absalom aah nan laa bi limɔfal ni na, u nan maa tiwan nibaa siin ubaa pu, kifataŋ ki bi yin ki ke Ubɔr aafataŋ na ni; ba pu? waa nan kpa ubijabo u ga cha waayimbil taa kpo na. Kina pu na, u nan di ubaa aayimbil le yin tiwan ngbaan, ki nyan n‑yoonn ngbaan ki nan saa din wee, bi beenin yin ni ke Absalom Aateerm Aawan la.

Ilahn 10:6

U bui ubaa le ke, “Maan lir kpala; maan koo tibɔr ni daalbaadaal.”

Ilahn 39:7

Uwumbɔr, ni ki ye ba aan m ga mak ni pu? M mak sin pu la.

Ilahn 5:9

Maan kii tii maadim aah len pu na; bi ban bi li bii baanja la. Baamɔliin mɔ le ki joon; le ki tee gbii ŋŋmann mu ga ku na.

Ilahn 64:6

Bi kpokl ilandak i kaa ŋan na, le ki bui ke, “Ti kpokl titunwanbir aalandak i ŋan sakpen a.” Saan ŋmaa bee unibɔn aasui, ni waalandak aatataa.

Ulandaan 2:14

Bilandam waa baah cha nin chee na, le bijɔrb ma aa waa. Tɔ, m mu tee nyi ke ti mɔmɔk aadoon ye tiwan nibaa la.

Ulandaan 2:21

Aa ga di saalan, ni saachiin, ni saanyim mɔmɔk tun kan tiwan, le ni nan kpaln unii u aatotoŋ aa nan nyan ni pu na aawan. Ni ye fam la, le kaa ŋan kina.

Esekiel 38:10

Tidindaan Uwumbɔr aah tuk ubɔr Gog pu na sɔ: “N‑yoonn ngbaan yaa nan fuu ni kan, aa ga piin ki bi dakl nlandak mu kaa ŋan na.

Tibɔnyaan ti Luk ŋmee ti na 11:39

Le Tidindaan bui u, “Nimi Farisii yaab, ni ŋir tiyir ni ŋisambil aapuwɔb mbamɔm, kaa ŋir ni ponn ni. Kina le ni ban ke binib bui ke ni ye bininyaam; nisui ponn ni mu gbii kinaayuk aatuln ni titunwanbir.

Lituln 8:22

Kpeln aapobil, ki di cha saatunwanbir ngbaan, ki mee Uwumbɔr ke u di cha saalandakbir pinn si.

Ikaal 3:14

Le Jair, u nan ye Manase aanibol ni aanii na, nan gaa Agob aapepel mɔmɔk. Bi ki yin nima ke Basann, le waanaanmɔk nan di ti ker Gesur ni Maaka aatim mɔk. U nan di waayimbil le yin ntimbim ngbaan, le bi beenin yin mu ke Jair aatim ki nan saa din.

1 Samuel 15:12

Kitaak aah woln na, le u buen u ti ban kan Sɔɔl. U nan ti ŋun ke Sɔɔl buen Kamel aatiŋ ni, nin chee u maa tiwan siin waayimbil pu na, le ki nyan nima buen Gilgal ni.