Ilahn 49:10 - Uwumbɔr aagbaŋ

¹⁰ Unii mɔk kani ke binib bi kpa nlan na mu kpoi, ke bijɔrb ni bilatiirb na la. Bi mɔmɔk kpoi le ki cha baawangol siini biyaabitiib.

Ilahn 49:10 ပူးပေါင်းရင်းမြစ်များ

Ilahn 17:14

Gaa mi binib bi kpa baah ban pu na mɔmɔk dulnyaa wee ni na chee lii. Di saah di ntafadaan mu siin kiir bi na daa bitafal; cha ntafadaan ngbaan gur ki nan pii baabim aan muken mu le kii biyaabitiib.

Ilahn 39:6

li ye kijunjuŋ la. Waatuln mɔmɔk ye fam la; u ban liwangol bilni, kaa tee nyi u ga li yeh li na.

Ilahn 49:17

U yaa nan kpo kan, waan ŋmaa yoor li buen ubaa chee; waawangol aan dii u koo likaakul ni.

Ilahn 73:22

m nan jɔr ke kiwakork na la; maa nan kee bee saabimbin.

Ilahn 89:49

Ndindaan, saajan aageehm na bi la chee? Saah nan puu tipuur ti tii Ubɔr David na bi la chee?

Ilahn 94:8

Maanib, ba ŋa ni ye bigbaam ni bijɔrb kina? Bayoonn aan ni ga bae?

Ŋiyataŋak 11:4

Nwiin mundaal aa ni nkun ga kan tɔb na, liwankpal aan ŋmaa gaa si lii, le saabamɔn ma ga gaa si lii.

Ŋiyataŋak 12:1

Unii umɔk ban nlan na ban ke u yaa tun taani kan, bi tuk u la. Ni ye kijɔrk le ke aa yii nsurm buyoonn aa tun taani na.

Ŋiyataŋak 14:24

Bilandam aapar le ye liwangol, bijɔrb ma aah kan pu na le ye kijɔrk ŋmeen.

Ŋiyataŋak 30:2

M naahn kiwakork ki jer unibɔn, maa kpa nlan mu unibɔn ga li kpa na.

Ulandaan 2:26

Uwumbɔr tii binib bi piir usui na nlan, ni ichiin, ni mpopiin, le ki tee cha titunwanbirdam tun, ki kani ki gur bilni, ke u nan di tii binib bi piir usui na. Ni mɔmɔk ye fam la. Ni bi ke unii aah san dii libuln pu na la.

Jeremia 10:8

Bi mɔmɔk jɔr le ki ye bilatiirb. Baan ŋmaa bae nibaa ŋiwaa chee, ŋi ye ŋisugen la.

Jeremia 17:11

Unii u joo beebee kani ŋimombil na bi ke unyoon u kaal ŋijen ŋi waa too ŋi na la. U ga laa li ye unachipɔɔn le ki lann waawangol, le waadoon na, u ga kpaln ujɔr.

Tibɔnyaan ti Luk ŋmee ti na 12:20

Tɔ, le Uwumbɔr bui u, ‘Si ujɔr wee, kinyeek kee le aa ga kpo. Saah kuun liwangol limɔk siin na, ŋma ga li yeh li?’

Hiibru Yaab 9:27

Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.