Ilahn 48:1 - Uwumbɔr aagbaŋ

¹ Uwumbɔr aapɔɔn nyaŋ sakpen, ni ŋan ke ti li pak u mbamɔm, waagongoln li bi chain na paab.

Ilahn 48:1 ပူးပေါင်းရင်းမြစ်များ

Nehemia 9:5

Liifai yaab bimina le nan bui binib ngbaan ke bi doon Uwumbɔr: bima le ye Jesua, ni Kadmiel, ni Bani, ni Hasabneya, ni Serebia, ni Hodia, ni Sebania, ni Petahia. Bi nan len ke: “Fii sil man ki pak Nidindaan Uwumbɔr. Pak u ki ti saa n‑yoonn mu kaa kpa ndoon na man. Cha unii mɔmɔk pak waayimbil li kpa kipak na, unibɔn mu aapak aa tee nyuun ki ga ŋeer u.”

Ilahn 145:3

Uwumbɔr kpa mpɔɔn, kina pu le ni ŋan ke ti pak u sakpen; waapɔɔn nyaŋ a.

Ilahn 147:5

Tidindaan ye Mpɔɔnsakpiindaan la; ubaa aa nyi waalan aah ti saa pu na.

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 30:1

Uwumbɔr, m pak si, ba pu? aa gaa mi lii, kaa cha maadin aasui piir m pu.

Ilahn 42:1

Uwumbɔr, upeeman aah ban mbun mu aanyun soon na pu na, kina le m mu ban si.

Ilahn 46:1

Uwumbɔr le ye timi aakikiir, ni timi aapɔɔn, tibɔr aayoonn mɔmɔk kan, u gor le ki ter timi.

Ilahn 46:4

Limɔɔl libaa le bi, ki joo ni mpopiin nan tii Uwumbɔr u kaa kpa ŋeen aatɔ na aatiŋ ki ponn ni waadichal bi na.

Ilahn 47:8

Uwumbɔr ka waabɔrjal li bi chain na pu; u joo ŋitimbol mɔmɔk.

Ilahn 65:1

Uwumbɔr, ni ŋan ke ti pak si Sionn aatiŋ ni, ki li joo taah puu tipuur ti tii si na,

Ilahn 78:68

U nan tee lee Juda aanibol, ni Sionn Aajool li u gee mbamɔm na la.

Ilahn 86:10

Saapɔɔn nyaŋ, le aa tun ŋitukpaan; sin baanja le ye Uwumbɔr.

Ilahn 87:1

Uwumbɔr maa waatiŋ ligongoln li bi chain na pu la.

Ilahn 87:3

Uwumbɔr aatiŋ, li pel waah len tibɔnyaan ti aa pu na.

Ilahn 96:4

Uwumbɔr aapɔɔn nyaŋ sakpen, le ni ŋan ke ti pak u sakpen; ti ga nyuŋ u ki jer dindatiib mɔmɔk.

Ilahn 99:9

Pak Tidindaan Uwumbɔr man, li dooni u waagongoln li bi chain na pu man. Tidindaan Uwumbɔr bi chain la.

Aisaya 27:13

Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Jeremia 31:23

Uwumbɔr Mpɔɔnsakpiindaan, u ye Israel yaab Aawumbɔr na bui ke, “M yaa ki giin binib ngbaan kaan baatiŋ pu kan, bi ga ki len Juda ni kaatim ni ke, ‘Uwumbɔr ŋa waanyoor ŋa Jerusalem aagongoln li bi chain, aan u koo nima chee na pu.’

Obadia 1:17

“Sionn aajool na pu le binib bibaa ga ŋmar, le lijool ngbaan pu ga kpaln miyaan. Jakob aayaabitiib ga gaa baatiŋ ki ye baatiŋ ibamɔn ni na.

Maika 4:1

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga chaar ŋigongon mɔmɔk pu. Le ŋitimbol pam ga dan li chee;

Sekaria 8:3

M ga gir ni Jerusalem aatiŋ pu. Kima le ye maatiŋ ki bi chain na, le m ga li koo ki ponn ni. Kaayimbil le ga li ye ke kitiŋ ki dii min Uwumbɔr mbamɔm na, le min Uwumbɔr Mpɔɔnsakpiindaan na aagongoln aayimbil ga li ye ke ligongoln li kaa kpa tijɔŋ na.

Matiu 24:15

“Ni ga kan tiwanbir ni bii tiwan nimɔk bi chain na si Uwumbɔr Aadichal ni, ke Uwumbɔr aabɔnabr Daniel aah nan len pu na.” Tɔ, nimi bi karni na, ni li beer nimina aatataa.

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Tibɔkpiirkaan 19:5

Le nneel nyan ni libɔrjal chee ki len ke, “Nimi bimɔk ye timi Aawumbɔr aatutum ki san u na, biwaatiib ni bipɔɔndam, ni mɔmɔk pak u man.”

Tibɔkpiirkaan 21:2

Le m kan kitiŋ ki bi chain, ki ye Jerusalem pɔɔn na, nyan ni Uwumbɔr chee paacham, ki gor ke ubɔndinn u ban u mɔn tichal na aah gor ubaa pu pu na.