Ilahn 47:9 - Uwumbɔr aagbaŋ

⁹ Ŋitimbol aajojoob kuun ni unimbiin ni, ke bi ye uma Uwumbɔr u Abraham nan dii u na aanib la. Uwumbɔr kpa mpɔɔn jer bijab mɔmɔk; waanijoom nyaŋ a.

Ilahn 47:9 ပူးပေါင်းရင်းမြစ်များ

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Ilahn 72:11

Bibɔrb mɔmɔk ga gbaan unimbiin ni; ŋitimbol mɔmɔk ga li dii uma la.

Ilahn 89:18

Uwumbɔr, sin le nyan timi aakikiir, sin Israel yaab Aawumbɔr u bi chain na le tii timi, timi aabɔr.

Ilahn 97:9

Uwumbɔr u kaa kpa ŋeen aatɔ na, sin le ye kitiŋ kee mɔmɔk aajojoor; saapɔɔn nyaŋ dindatiib mɔmɔk aapɔɔn.

Nnyam 3:15

Tuk Israel yaab ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na le tun ni si bi chee. Bi ga li yin mi kina le n‑yoonn mu kaa kpa ndoon na. Kina le n‑yoonn mu choo na aanib ga li yin mi.

Nnyam 3:6

Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Ŋiyataŋak 30:5

“Uwumbɔr joo waah puu tipuur ti na mɔmɔk. U kii binib bi mɔmɔk ban waaterm na.

Aisaya 11:10

Nwiin mubaa choo, le ubɔrkpaan pɔɔn ubaa ga nyan ni ubɔrkpaan David aamaal ni, ki fuu ni, ki ga li ye ŋitimbol mɔmɔk aamɔkl. Bi ga kuun waanaan aatiŋ ni ki nyuŋ u.

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Matiu 22:32

ke uma le ye Abraham, ni Aisak, ni Jakob Aawumbɔr. Uwumbɔr yaa len ke u ye binib bi kpo na Aawumbɔr kan, nima le mɔk ke bi kpa limɔfal.”

Rom Yaab 11:25

Nnaabitiib, m ban ke ni bee tibɔbɔrkaan tibaa, aan ki taa li dak ke ni kpa nlan sakpen. Juu yaab bibaa kpak tibɔnyaan tee la, ki ga kpak ti ki nan saa buyoonn binib bi kaa ye Juu yaab aan Uwumbɔr lee bi na ga ŋmar na.

Galantiya 3:29

Ni ye Kristo aanib la. Nima le ni ye Abraham aayaabitiib. Le ni ni u ga kan tiwanyaan ni Uwumbɔr nan puu tipuur ke u ga tii nimi paacham na.