Ilahn 47:6 - Uwumbɔr aagbaŋ

⁶ Gaa ilahn pak Uwumbɔr man; u ye timi aabɔr, gaa ilahn pak u man.

Ilahn 47:6 ပူးပေါင်းရင်းမြစ်များ

1 Bibɔrb Aabɔr 15:28

Kina le Israel yaab mɔmɔk nan di Nkaal Aadakaa ngbaan buen Jerusalem ponn ni, ki tar mpopiin pu, ki pii kakaan, ni ikpiin, ki yak ichayakrtuun, ki gbaa tibar.

1 Bibɔrb Aabɔr 16:9

Gaa ilahn ki pak Uwumbɔr man, ki tuk binib waah tun ŋitukpaan ŋi na.

1 Bibɔrb Aabɔr 29:20

David nan bui binib ngbaan ke, “Pak Nidindaan Uwumbɔr man.” Le binib bi mɔmɔk kuun nima na pak Uwumbɔr, u ye biyaajatiib Aawumbɔr na, le ki gbaan kitiŋ ki nyuŋ uma Uwumbɔr, ni ubɔr mu.

Ilahn 145:1

Maawumbɔr u ye maabɔr na, m ga moon saah kpa mpɔɔn pu na; m ga li dooni si ki ti saa n‑yoonn mu kaa kpa ndoon na.

Ilahn 68:4

Gaa ilahn tii Uwumbɔr man, gaa ilahn ki pak waayimbil man; toor nsan tii Uwumbɔr u chuun ntaalangbam pu na man. Waayimbil le ye Uwumbɔr, cha nisui li piin unimbiin ni man.

Ilahn 89:18

Uwumbɔr, sin le nyan timi aakikiir, sin Israel yaab Aawumbɔr u bi chain na le tii timi, timi aabɔr.

Nnyam 15:21

Miriam le nan gaa ilahn ke: “Gaa ilahn ki pak Uwumbɔr man, ba pu? waah nyaŋ pu na kpa kipak; u di itaan ni bijab bi jak i na mee lii nnyusakpem ponn ni.”

Aisaya 33:22

Tiwan nimɔk bi iŋɔi ngbaan pu na ye fam la; yaakeken ŋi cha i chuun na aan ŋmaa kpar. Ti ga di mpɔɔn gaa timi aadim aawangol mɔmɔk, le taah ga gaa liwangol li na ga li wiir sakpen; le biwɔb mu ga kan bi yaan. Uwumbɔr ubaa le ga li ye timi aabɔrkpaan; u ga li joo timi le ki kii timi.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Matiu 25:34

Le min, u ye Ubɔrkpaan ngbaan na, ga bui binib bi si ŋŋangii wɔb na, ‘Nimi bi Nte Uwumbɔr ŋa tinyoor ŋa ni pu na, dan nan ji nnaan mu u nan toor siin nimi, buyoonn u nan naan dulnyaa wee na.

Matiu 27:37

Bi nan ŋmee kigbaŋ budabu cha bi ku u na, ki di tam waadɔpuinkoo pu, uyil paab. Kigbaŋ ngbaan len ke, “Yesu u ye Juu yaab Aabɔr na le na.”