Ilahn 47:5 - Uwumbɔr aagbaŋ

⁵ Uwumbɔr jon kal waabɔrjal pu. Mpopiin aafuuk ni kakaan mam wii n‑yoonn mu Uwumbɔr cha paacham na la.

Ilahn 47:5 ပူးပေါင်းရင်းမြစ်များ

2 Samuel 6:15

Kina le u ni Israel yaab mɔmɔk nan di Uwumbɔr Aakaal Aadakaa ngbaan koo Jerusalem ponn ni, ki tar, ki pii ikpiin, mpopiin pu.

1 Bibɔrb Aabɔr 15:28

Kina le Israel yaab mɔmɔk nan di Nkaal Aadakaa ngbaan buen Jerusalem ponn ni, ki tar mpopiin pu, ki pii kakaan, ni ikpiin, ki yak ichayakrtuun, ki gbaa tibar.

1 Bibɔrb Aabɔr 16:42

Hemann ni Jedutunn le nan ye bi pii kakaan tiib, ki yak ichayakrtuun ni tiwangbaakaan niken na, n‑yoonn mu bi gaa kipak aalahn na. Jedutunn aataŋaal pu yaab le nan ye bi kiir ibisamɔi na.

Ilahn 150:3

Di kakaan mam pak u man. Di tibar ni ikuŋmin aabar pak u man.

Ilahn 68:33

u chuun n‑yaayoonn na aataapaak ni na. Li pel man waah tar mpɔɔn pu pu na.

Ilahn 78:65

Nee aapuwɔb le Uwumbɔr nan fii ke waah finn ngeen pu le na; u nan bi ke unachipɔɔn u nyun ndaan aan ni mɔɔr u na.

Ilahn 81:3

Pii kakaan njim ngbaan pu, uŋmapɔɔn aayoonn, ni uŋmapiin aayoonn.

Ilahn 98:6

Pii kakaan ni ikpiin man, ki di mpopiin teen mpɔɔn pu tii Uwumbɔr u ye timi aabɔr na.

Esekiel 20:6

N‑yoonn ngbaan le m nan puu ke m ga nyan bi Ijipt aatiŋ ni ki di buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ŋan jer ntim mɔmɔk aan m nyan ke m di tii bi na pu.

Amos 8:7

Uwumbɔr u ye Israel yaab Aadindaan na le puu ke, “Maan suln baatunwanbir pu kpala.

Malakai 2:3

M ga daa nimi aabim aatafal, ki di naah kɔr tiwakor ti na aapor boon ninimbil wɔb, aan bi ga di nimi buen litapuln pu.

Nkahm 23:21

Maah kan pu na, Israel yaab aan kan tibɔbir, bee limukl libaa. Bidindaan Uwumbɔr bi bi chee; bi mooni ke u ye baabɔr la.

1 Korenti 15:52

Kakaan yaa wii kookoo yaan kan, libuul ngbaan ni le ti ga kpeln. Naan pii linimbil aah ga kab pu na. Kakaan ga nan wii, le binib bi kpo na ga fikr nkun ni, kaan ki bur. Le Uwumbɔr ga kpeln timi aawon.

1 Tesalonika 4:16

Ba pu? Tidindaan ubaa ga nyan ni paacham ki sunn ni. U yaa sunn ni kan, le ti ga ŋun nneel sakpiin, ni Uwumbɔr aatuuntiib aaninkpel aaneel, ni Uwumbɔr aakakaan aawiil.

1 Timoti 3:16

Uwumbɔr aah kpiir waasan aabɔr ti tuk timi na, ti ye tibɔkpaan la: U nan yoor unibɔn aawon, ki nyan ubaa mpaan pu. Uwumbɔr Aafuur Nyaan le mɔk ke u ŋan. Uwumbɔr aatuuntiib waa u. Binib moon waabɔr ki tuk ŋitimbol aanib, le binib gaa u ki kii dulnyaa wee mɔmɔk ni. Uwumbɔr nan yoor u ki di buen paacham, ki nyuŋ u.

Josua 6:5

Bi mɔmɔk kpaan ki pii baakpiin mpɔɔn pu. N‑yoonn mu ni ti ŋun kina na kan, bijab ngbaan mɔmɔk kpaan ki faa ikaa, le kitiŋ ngbaan aagoln ga lir kitiŋ. N‑yoonn ngbaan le bijab mɔmɔk ga koo kitiŋ ngbaan ni.”

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”