Ilahn 47:2 - Uwumbɔr aagbaŋ

² Li san man Uwumbɔr u kpa mpɔɔn jer mpɔɔn mɔmɔk na; u ye ubɔrkpaan la, le ki joo dulnyaa wee mɔmɔk.

Ilahn 47:2 ပူးပေါင်းရင်းမြစ်များ

Nehemia 1:5

“Uwumbɔr u ye Paacham Aadindaan na, aa ye unikpaan la, le ti san si ijawaan. Binib bi gee si ki ŋani saakaal aah len pu na, aa joo saah puu tipuur ti tii bi na mbamɔm.

Ilahn 145:6

Binib ga len saah tun ŋitukpaan ŋi na aabɔr, le m ga moon saah kpa mpɔɔn sakpiin mu na.

Ilahn 47:7

Uwumbɔr le ye dulnyaa wee mɔmɔk aabɔr; di ilahn pak u man.

Ilahn 65:5

Saah tii timi linyaŋ li na le ye ke aa keei timi aayim, le ki tun lijinjiir aawan ki gaal timi lir. Dulnyaa wee mɔmɔk ni aanib, ni binib bi bi nnyusakpem aapuwɔb na tii si naadii.

Ilahn 68:35

Uwumbɔr aah nyan waadichal ni ki choo pu na kpa ijawaan la. Uma le ye Israel yaab Aawumbɔr. U tii waanib mpɔɔn ni tiwon aapɔɔn. Pak Uwumbɔr man.

Ilahn 76:12

u sunn biyidam bi kpa kigaak na taab ki cha bibɔrkpaam san u ijawaan sakpen.

Ilahn 95:3

ba pu? Uwumbɔr ye Mpɔɔnsakpiindaan la, ubɔr mpɔɔnsakpiindaan u joo dindatiib mɔmɔk na.

Ilahn 99:3

Unii mɔmɔk ga pak waayimbikpaan li kpa ijawaan na. U bi chain la.

Malakai 1:14

Ujinjir u yaa joo ni kiwakork ki kaa bi tibaa ni na nan toor kitork tii mi na kan, m ga puun lii udaan pu, ba pu? u kpa kiwakork ki ŋan aan u puu ke u ga di tii mi na waapiih ni. M ye ubɔrkpaan la, le ŋitimbol mɔmɔk aanib san mi ijawaan.” Uwumbɔr Mpɔɔnsakpiindaan le len kina.

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Ikaal 28:58

“Ni yaa kaa joo mmɔkm mumɔk bi waagbaŋ ni na mbamɔm, ki yaa kaa pak Nidindaan Uwumbɔr aayimbil li kpa kipak ni ijawaan na kan,

Ikaal 7:21

Nima pu na, ni taa li san binib ngbaan ijawaan. Nidindaan Uwumbɔr bi ni chee. U ye Uwumbɔr sakpiin la, le ni ŋan ke ni li san u ijawaan.