Ilahn 47:1 - Uwumbɔr aagbaŋ

¹ Binib mɔmɔk, faa ŋibambaan mpopiin pu man. Gaa ilahn mpɔɔn pu ki pak Uwumbɔr man.

Ilahn 47:1 ပူးပေါင်းရင်းမြစ်များ

2 Samuel 6:15

Kina le u ni Israel yaab mɔmɔk nan di Uwumbɔr Aakaal Aadakaa ngbaan koo Jerusalem ponn ni, ki tar, ki pii ikpiin, mpopiin pu.

2 Bibɔrb 11:12

Le Jehoyada di Joas nyan ni, le ki di kibɔryikpupuk chiŋ u, le ki di nnaan aakaal i joo nnaan na ŋum u. Le bi nan di nkpan kpir uyil pu ki kaan u nnaan. Binib nan kpaar biŋaal le ki teen ke: “Limɔfafɔfɔŋ li bi ubɔr chee.”

2 Bibɔrb Aabɔr 13:15

Juda yaab nan teen mpɔɔn pu, le Abija loln bi nsan, le bi di pii tɔb. Uwumbɔr nan nyaŋ Jeroboam ni Israel aajab.

Ilahn 106:47

Tidindaan Uwumbɔr, gaa timi lii, ki nyan ni timi ŋitimbol ngbaan ni ki giin ni, aan ti ga li kpa idoon ki pak saayimbil li bi chain na.

Ilahn 42:1

Uwumbɔr, upeeman aah ban mbun mu aanyun soon na pu na, kina le m mu ban si.

Ilahn 46:1

Uwumbɔr le ye timi aakikiir, ni timi aapɔɔn, tibɔr aayoonn mɔmɔk kan, u gor le ki ter timi.

Ilahn 47:5

Uwumbɔr jon kal waabɔrjal pu. Mpopiin aafuuk ni kakaan mam wii n‑yoonn mu Uwumbɔr cha paacham na la.

Ilahn 98:4

Kitiŋ mɔmɔk, gaa mpopiin aalahn tii Uwumbɔr, di ilahn pak u ki li joo mpopiin tar.

Ilahn 98:8

Nimi ŋimɔɔ, faa kifuuk man; nimi ŋigongon, kpaan man ki gaa mpopiin aalahn Uwumbɔr aanimbiin ni,

Aisaya 55:12

Ni ga di mpopiin le ki di nya Babiloŋ aatiŋ ni; bi ga cheen nimi nya kitiŋ ngbaan ni, ni mpopiin la. Le ŋijoo ni ŋigongon ga teen ilahn lii; isui mu ga di mpopiin teen mpɔɔn pu.

Jeremia 31:7

Uwumbɔr ki bui ke, “Li gaa mpopiin aalahn Israel aatimbol li ye litimbol sakpeln ki jer ŋitimbol mɔmɔk na pu man. Gaa nimi aapak aalahn man, ‘Uwumbɔr gaa waanib lii a; u gaa binib bi mɔmɔk gur na lii a.’

Sefania 3:14

Israel aanib, li mɔɔni ki tar man. Jerusalem aatiŋ, li mɔɔni sakpen.

Sekaria 4:7

Ŋimuk ŋi filk ke ŋijoo na ga san cha si. Aa ga ki gir maa Maadichal; aa yaa ti di kookoo aatakpal di paan kan, le binib ngbaan ga teen mpɔɔn pu ke, ‘Kinyaan, kinyaan.’”

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

1 Samuel 10:24

Le Samuel bui binib ngbaan ke, “Uja u Uwumbɔr lee u na sɔ. Ubaa aa ki bi ti ponn ni ke uma na.” Le binib ngbaan mɔmɔk teen ke, “Uwumbɔr tii ubɔr na limɔfal li fɔk na.”