Ilahn 46:9 - Uwumbɔr aagbaŋ

⁹ U cha butɔb door dulnyaa wee mɔmɔk ni; U kool itɔi, ki bii tikpaatunn, ki seer kijaak aapen mmii.

Ilahn 46:9 ပူးပေါင်းရင်းမြစ်များ

Ilahn 66:5

Dan ki nan lik man Uwumbɔr aah ŋa waatusakpeln li binib ponn ni na.

Aisaya 10:23

Ntafadaan sakpiin mu ŋeer binib ngbaan na le choo bi pu. Uwumbɔr Mpɔɔnsakpiindaan u yeh tiwan mɔmɔk na ga bii baatiŋ mɔmɔk, waah len pu na, kaan taan.

Aisaya 11:9

Uwumbɔr aagongoln Sionn li bi chain na paab nibaa aan li bi nima ki bir. Nnyusakpem ponn ni aah kpa nnyun sakpen pu na, kina le dulnyaa wee ga li nyi Uwumbɔr bɔr.

Aisaya 2:4

U ga len ŋinibokpaan aabɔr, le bi ga di baajaak aajum mɔɔ ŋikuu, ki di baakpaatunn mɔɔ gɔrk tiib. Ŋinibol aan ki to tɔb butɔb, kaan ki gor bibaa kiir butɔb daalbaadaal.

Aisaya 60:18

Naan ki ŋun tijar aafuuk pu daalbaadaal; libiil aan ki dan nimi aatiŋ ni daalbaadaal. M ga li kii nimi ke ligoln na la; ni ga pak mi, maah gaa nimi lii pu na pu.

Esekiel 39:3

N‑yoonn ngbaan le m ga faa nyan waatɔm uŋangan ni, ki faa yaa waapiin uŋangii ni.

Maika 5:10

Uwumbɔr bui ke, “N‑yoonn ngbaan kan, m ga gaa nimi aataan ni chee, le ki bii nimi aataan aatɔroku tiib.

Josua 11:6

Le Uwumbɔr nan bui Josua ke, “Taa san bi ijawaan. Fen kina kookoo na kan, m ga fe ku bi mɔmɔk tii Israel yaab. Aa wɔi baataan, ki see baatɔroku mam mmii.”

Josua 11:9

Josua nan ŋa bi Uwumbɔr aah bui u ke u ŋa bi pu na, u nan wɔi baataan, le ki see baatɔroku mam mmii.

1 Samuel 2:4

Bijab bi pɔɔ na aatɔi kool la, le bi kaa kpa mpɔɔn na moo pɔɔk.