Ilahn 46:4 - Uwumbɔr aagbaŋ

⁴ Limɔɔl libaa le bi, ki joo ni mpopiin nan tii Uwumbɔr u kaa kpa ŋeen aatɔ na aatiŋ ki ponn ni waadichal bi na.

Ilahn 46:4 ပူးပေါင်းရင်းမြစ်များ

2 Bibɔrb Aabɔr 6:6

Le dandana ma kan, m lee Jerusalem aatiŋ ni le ke bi li dooni mi nima, le ki lee sin, David, ke aa li joo maanib.’”

Ilahn 23:2

U tii mi lifuur timosɔnn aah bi nin chee na, ki mɔk mi uyayak aanyun mu soon na chee.

Ilahn 43:3

Cha saawiihn ni saabamɔn dan; cha ni loln m pu nsan ki giin ni mi saagongoln li bi chain na pu, ki ti fuu saadichal, li ponn ni aa koo na,

Ilahn 48:1

Uwumbɔr aapɔɔn nyaŋ sakpen, ni ŋan ke ti li pak u mbamɔm, waagongoln li bi chain na paab.

Ilahn 48:8

Ti ŋun Uwumbɔr aah tun pu na, le dandana ma kan, tinimbil kani waatun, waatiŋ ni. Uma le ye Uwumbɔr Mpɔɔnsakpiindaan; u ga cha lifuur li bi kitiŋ ngbaan ni, ki ti saa n‑yoonn mu kaa kpa ndoon na.

Ilahn 65:9

Saah gee kitiŋ pu na, le aa cha utaal nu; aa cha ki nyuun le ki kpa tijikaar. Aa cha nnyun gbiini ikpen; aa tii kitiŋ tijikaar. Saah ŋani ni pu na sɔ:

Ilahn 87:3

Uwumbɔr aatiŋ, li pel waah len tibɔnyaan ti aa pu na.

Ilahn 91:1

Unii umɔk chaa Uwumbɔr chee ti ban nkiirm na, unii umɔk bi Uwumbɔr Mpɔɔnsakpiindaan aaŋaal ni na

Ilahn 92:1

Uwumbɔr, ni ŋan sakpen ke ti doon si, Uwumbɔr u kaa kpa ŋeen aatɔ na, ni ŋan ke ti gaa ilahn ki nyuŋ si,

Ilahn 92:8

ba pu? sin Uwumbɔr le bi n‑yoonn mɔmɔk ki kpa mpɔɔn jer mpɔɔn mɔmɔk.

Ilahn 93:3

Uwumbɔr, nnyusakpem aanyunkpenn aafuuk nyan paacham la; tinyunkpenn na fii le ki kpa kifuuk.

Ulandaan 5:8

Aa yaa kan ke biyidam muk bigiim, kaa tii bi baabamɔn, ni tiwan ni ŋan na kan, taa cha ni ŋa si iwaan. Uninkpel mɔmɔk aah bi unii u aataab na le kiir u. Le unii u jer bimɔk bilee na kii bi.

Aisaya 48:18

Ni yaa nan ba pel maah tuk nimi pu na kan, le tinyoor ba ga li puu choo ni chee, ke nkpen mu aanyun aa foor na. Linyaŋ ba ga dan ni chee, ke nnyusakpem aanyunkpenn na la.

Aisaya 60:14

Binib bi muk si na aajapɔtiib ga dan ki nan gbaan kitiŋ aanimbiin ni. Binib bimɔk nan lik seen si n‑yoonn mu jer na ga dan nan gbaan kitiŋ ki doon si. Bi ga yin si ke ‘Uwumbɔr aatiŋ’, ki ki yin si ke, ‘Sionn, Israel yaab Aawumbɔr u bi chain na aatiŋ’.

Maika 6:6

Buyoonn m dan ke m nan doon Uwumbɔr u ye paacham Aadindaan na kan, m ga joo ba nan tii u? M ga joo ni inaabi i ŋan sakpen na le nan see mmii ni tii u uu?

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Tibɔkpiirkaan 21:10

Le Uwumbɔr Aafuur Nyaan fir m pu, le Uwumbɔr aatuun ngbaan yoor mi ki di buen lijoosakpeln li fɔk na paab, le ki ti mɔk mi Jerusalem aatiŋ ki ye chain na nyan ni Uwumbɔr chee paacham,