Ilahn 46:11 - Uwumbɔr aagbaŋ

¹¹ Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 46:11 ပူးပေါင်းရင်းမြစ်များ

1 Bibɔrb 20:28

Uwumbɔr aabɔnabr ubaa nan buen Ubɔr Ahab chee le ki ti bui u ke, “Uwumbɔr aah len pu na sɔ: ‘Siria yaab aah bui ke m ye ŋigongon pu aawaal, kaa ye ŋigongon aah kaa bi nin chee na yaal na, m ga cha aa nyaŋ baajab bi wiir sakpen na, le sin ni saanib ga bee ke min le ye Uwumbɔr.’”

2 Bibɔrb Aabɔr 20:6

Le Ubɔr Jehosafat buen ti sil binimbiin ni, ki mee Uwumbɔr mpɔɔn pu ke, “Uwumbɔr, tiyaajatiib Aawumbɔr, sin le bi paacham ki joo ŋitimbol mɔmɔk dulnyaa wee ni. Aa ye Mpɔɔnsakpiindaan u ubaa aan ŋmaa kpak si na la.

2 Bibɔrb Aabɔr 33:13

Uwumbɔr nan kii waameel ki cha u gir kun Jerusalem ki ti ki joo waanib. Nimina le nan cha Manase bee ke Uwumbɔr le ye Udindaan.

Ilahn 46:1

Uwumbɔr le ye timi aakikiir, ni timi aapɔɔn, tibɔr aayoonn mɔmɔk kan, u gor le ki ter timi.

Ilahn 46:7

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 48:3

Uwumbɔr mɔk ke lifuur bi u chee, waatiŋ ki bi maa ŋigon kiir ki na ponn ni.

Aisaya 2:11

Nwiin mubaa choo, buyoonn unibɔn aagaak ga doo aan kalmbaani mu kuln na. N‑yoonn ngbaan le Uwumbɔr baanja ga kan bunyuŋ.

Aisaya 2:17

Unibɔn aagaak ga doo, le unibɔn aakalmbaani mu kuln. Ŋiwaa mɔmɔk ga kuln, le Uwumbɔr baanja le ga kan kipak ni nnyuŋ nwiin ngbaan daal.

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Ikaal 33:27

Uwumbɔr le nyaŋni ki kii nimi n‑yoonn mɔmɔk. U joo uŋaal mu bi, kaa kpa ndoon na le kii nimi. Naah tur koo nimi aadim ponn ni ki cha na, le u jenn nyan bi tii nimi, le ki bui nimi ke ni kuln bi mɔmɔk.