Ilahn 45:2 - Uwumbɔr aagbaŋ

² Sin ubɔr le ŋan jer bijab mɔmɔk; aa ye unii u ŋmaa len na la. Uwumbɔr ŋani tinyoor ŋani aa pu n‑yoonn mɔmɔk la.

Ilahn 45:2 ပူးပေါင်းရင်းမြစ်များ

Ilahn 21:6

le saanyoor bi u pu n‑yoonn mɔmɔk, saah bi u chee pu na le tii u mpopiin.

Ŋiyataŋak 22:11

Aa yaa kpa lipobinyaan ni iliinyaan kan, aajɔ le ga li ye ubɔr.

Ŋiyataŋak 5:2

Kina kan, aa ga li nyi saah ga li bi pu na, ki cha saamɔliin mɔk ke aa kpa nlan.

Solomonn Aalahn 2:3

Mbɔɔn unyaan bi bijab biken ni ke linyɔkl aasub aah bi pu kichook aasui ni na la. M gee ke m li kaa bu aaboon ni, le bu aasubil mɔ m chee pam.

Aisaya 33:17

Ni ga ki kan ubɔrkpaan u joo waanib kinyaan na joo kitiŋ ki wiir ŋipepel mɔmɔk na.

Aisaya 50:4

Tidindaan Uwumbɔr mɔk mi maah ga len pu na aan ki pɔɔk binib bi aataakpab yɔl na aataakpab. U cha m jek ke m pel waah ban u mɔk mi pu na kichakpiik mɔmɔk ni.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Sekaria 9:17

Baanyaan ga nyaŋ. Tijikaar ni ŋisubil aadaan ga tii binib bi laa diin na mpɔɔn.

Matiu 17:2

Le uwon kpeln binimbil ni. Unimbil wɔb wiin ke nwiin aah wiin pu na. Le waawanpeenkaan kpaln tiwanpipinn ke nwiihn aah piin pu na.

Tibɔnyaan ti Luk ŋmee ti na 4:22

Le bi mɔmɔk pak u. Waah len iliinyaan pu na, le ni gar bi pam. Le bi baa tɔb, “Waa ye Josef aajapɔɔn la aa?”

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Jɔnn 7:46

Le bi bui bi, “Unii ubaa aa kee len ke waah len pu na.”

Hiibru Yaab 7:26

Yesu le ye utotoorninkpel taah ban pu na. U bi chain, kaa kpa ngalm, kaa kpa titunwanbir tibaa. U ni titunwanbirdam aa kpaani. Uwumbɔr yoor u paacham ki jer bimɔk bi paacham na.