Ilahn 44:7 - Uwumbɔr aagbaŋ

⁷ le sin ma gaa timi, timi aadim aaŋaal ni lii, le ki nyaŋ binib bi kaa gee timi na.

Ilahn 44:7 ပူးပေါင်းရင်းမြစ်များ

2 Samuel 7:10

Min le lee nin chee maanib Israel yaab ga kal aan ubaa taa ki muk bi na, le ki di bi kaan nima. Ki nyan bundaal bi koo ni kitiŋ kee pu na, binib bi bir na tak bi, le kina aan ki ŋa. M puu ke m ga li kii si saadim chee, ki ga tii si yaabitiib.

Ilahn 132:18

M ga jinn waadim inimɔɔn, le waanaan ma ga pɔɔk ki kan liwangol.”

Ilahn 136:24

U nan gaa timi, timi aadim chee lii; waageehm aa kpa ndoon.

Ilahn 140:7

Ndindaan Uwumbɔr, u ye maakikiir, ki ye mpɔɔndaan na, aa kiir mi butɔb ni.

Ilahn 144:10

Aa tii bibɔrb linyaŋ, ki gaa saatutunn David lii.

Ilahn 40:14

Cha binib bi ban ke bi ku mi na aalan ŋmal aan bi lir kookoo. Cha binib bi aasui piir maah bi tibɔr ni pu na di inimɔɔn labr.

Ilahn 53:5

Tɔ, ijawaan mu tee ga chuu bi, ke yaah kaa kee chuu bi pu na; ba pu? Uwumbɔr ga di waanib aadim aakpab yaa. Uwumbɔr yii bi, kina pu le Israel yaab ga nyaŋ bi kookoo.

Hosea 1:7

Tɔ, m ga li gee Juda yaab ma. Min, Bidindaan Uwumbɔr ga gaa bi lii, m mu aan di kijaak aajum, bee itɔi ni ipiin, bee itaan ni bitandam tun li.”

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Josua 10:42

Josua nan nyaŋ bibɔrb ngbaan mɔmɔk, ni baatim, waah nan ton butɔb dii nfum mbaa pu na, ba pu? Israel yaab Aadindaan Uwumbɔr le nan ton butɔb ngbaan tii Israel yaab.

Josua 11:6

Le Uwumbɔr nan bui Josua ke, “Taa san bi ijawaan. Fen kina kookoo na kan, m ga fe ku bi mɔmɔk tii Israel yaab. Aa wɔi baataan, ki see baatɔroku mam mmii.”

Bibɔjirb 2:18

N‑yoonn mumɔk Uwumbɔr nan ti tii Israel yaab usaloln na, u ga nan ter usaloln ngbaan le ki gaa Israel yaab baadim chee lii. U nan ti kii bi kina le ki ti saa usaloln ngbaan aamɔfal aadoon. Baah nan ker idun, baafalaa ni limukl pu pu na, le Uwumbɔr san bi kinimbaak.

1 Samuel 17:47

le binib bi mɔmɔk bi do na kan ke Uwumbɔr aa ban kijaak aajum, bee tikpaatunn, ke u di gaa waanib lii. U nyaŋni butɔb ni, le ki ga di ni mɔmɔk ŋa timi aapɔɔn ni.”