Ilahn 44:2 - Uwumbɔr aagbaŋ

² Sin aabaa le nan jenn nyan binib bi kaa dii si na, ki di saanib kaan baatiŋ pu. Aa nan daa binib ngbaan aatafal ki cha saanib kan tinyoor.

Ilahn 44:2 ပူးပေါင်းရင်းမြစ်များ

2 Samuel 23:12

le Sama ma sil kisaak ngbaan ni, ki kiir ki, Filistia yaab chee, le ki ku Filistia aajab ngbaan. Liyaadaal ngbaan Uwumbɔr nan kan linyaŋ sakpeln.

2 Samuel 7:10

Min le lee nin chee maanib Israel yaab ga kal aan ubaa taa ki muk bi na, le ki di bi kaan nima. Ki nyan bundaal bi koo ni kitiŋ kee pu na, binib bi bir na tak bi, le kina aan ki ŋa. M puu ke m ga li kii si saadim chee, ki ga tii si yaabitiib.

Ilahn 105:44

U nan di binib biken aatim tii bi, ki cha bi gaa baakpaakon,

Ilahn 78:55

Waanib aah tur koo ni pu na le u jenn ntim ngbaan aanib le ki yakr baatim tii Israel aanibol ki di bido tii waanib ngbaan.

Nnyam 10:2

le ni mu ga ŋmaa tuk nimi aabim, ni niyaabitiib, maah tun lijinjiir aatuln, ki cha Ijipt yaab kpaln bijɔrb pu na. Ni mɔmɔk ga bee ke min le ye Uwumbɔr.”

Nnyam 15:17

Si le di bi kaan saajool pu, sin Uwumbɔr aah nyan nin chee ke ni li ye aado na, saadichal li aa maa li aabaa na ni.

Nnyam 15:19

Israel yaab nan chuun kitikuun pu le ki puur nnyusakpem, le n‑yoonn mu Ijipt yaab aajab, ni baataan, ni baatɔroku tiib, ni bijab bi ŋaal bi na mu nan paan Israel yaab pu nnyusakpem ponn ni na, le Uwumbɔr cha nnyun gir biin bi pu.

Nnyam 23:28

Ijawaan ga chuu bi, le biwon li gbaa; le naah tur koo bi ponn ni na, m ga cha ni jenn nyan Hif yaab, ni Kanaann yaab, ni Hef yaab.

Nnyam 34:11

Ni li kpa ŋuntii ki joo cha ikaal i m di mɔk nimi din wee na wɔb. M ga jenn nyan Amor yaab, ni Kanaann yaab, ni Hef yaab, ni Peris yaab, ni Hif yaab, ni Jebus yaab, naah ga li tur koo bi ponn ni pu na.

Aisaya 51:9

Uwumbɔr, fii ki ter timi. Di saapɔɔn gaa timi lii; ter timi ke saah nan ŋa pu n‑yaayoonn na. Sin le nan chɔi chɔi nnyusakpem ni aapeewanbiik Rahab.

Jeremia 32:23

Baah nan koo ni kitiŋ kee pu ki gaa ki na, bi nan yii saah nan bui bi ke bi li bi pu na, kaa nan bi saah mɔk bi ke bi li bi pu na. Baa nan ŋa saah bui bi pu na tiwan nibaa, kina pu le aa joo ni tibɔbir tee mɔmɔk nan lii bi pu.

Nkahm 13:32

Nima pu na, bi nan di inyamɔn aabɔr yaa gaa Israel yaab chee, baah buen kitiŋ ngbaan ni ki ti kan pu na. Bi nan ki bui ke, “Kitiŋ ngbaan ni aakpaatan aa nyuun, le binib ngbaan aa kpa tijikaar bi ji bab. Taah kan binib bi mɔmɔk koo nima na fɔk sakpen a.

Ikaal 32:7

Ni teer man n‑yoonn mu jer na, n‑yaayoonn na aabɔr; ni baa nitetiib aan bi tuk nimi tiwan ni nan ŋa na, ni baa bijaninkpiib aan bi tuk nimi n‑yoonn na aabɔr.

Ikaal 4:38

Naah tur koo binib ngbaan ponn ni na, le u nyaŋni ŋinibol ŋi kpa mpɔɔn jer nimi na, ke u di baatim tii nimi, le kitiŋ ngbaan laa beenin ye nimi yaan ki nan saa din wee.

Ikaal 7:1

“Nidindaan Uwumbɔr le ga di nimi koon kitiŋ ki ni cha ni ti gaa ki na ponn ni. Le ni yaa tur koo ki ponn ni kan, u ga jenn nyan ŋinibol pam. U ga jenn nyan Hef yaab, ni Girgas yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab. Ŋinibol ŋilole ngbaan wiir, ki kpa mpɔɔn jer nimi.

Josua 10:11

Amor yaab aah nan san naa Israel yaab na, le Uwumbɔr cha ŋitaatakpal nyan ni paacham ki lir ni bi pu kina, ki ti saa Aseka aatiŋ ni. Ŋitaatakpal aah nan lir bi pu ki ku bi na nan wiir jer Israel yaab aah ku bi na.

Josua 10:42

Josua nan nyaŋ bibɔrb ngbaan mɔmɔk, ni baatim, waah nan ton butɔb dii nfum mbaa pu na, ba pu? Israel yaab Aadindaan Uwumbɔr le nan ton butɔb ngbaan tii Israel yaab.

Josua 11:23

Josua nan nyaŋ kitiŋ ngbaan mɔmɔk, Uwumbɔr aah nan bui Moses ke u ŋa pu na. Le Josua nan di kitiŋ ngbaan mɔmɔk tii Israel yaab, ki li ye biyaan; u nan yakr ki tii Israel yaab aanibol ngbaan. Le Israel yaab kan lifuur, kaa ki to butɔb.

Josua 21:43

Uwumbɔr nan di kitiŋ ki u nan puu tii Israel yaab aayaajatiib ke u ga di ki tii bi na tii bi. N‑yoonn mu bi nan gaa kitiŋ ngbaan doo na, le bi nan kal nima chee.

Josua 24:12

Naah nan tur koo bi ponn ni pu na, m nan cha ijawaan koo bi, aan ni ŋmaa jenn nyan Amor yaab aabɔrb bilee ngbaan. Naa nan ye nimi aajaak aajum ni itɔi pu le ni nan ŋmaa nyaŋ.

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.

Bibɔjirb 6:13

Le Gideonn bui u ke, “Uninkpel, m yaa ga ŋmaa baa si kan, Uwumbɔr bi ti chee le tiwan nimina mɔmɔk ŋa timi ii? Tiyaajatiib aah nan bui timi lijinjiir aabɔr ti ke Uwumbɔr ŋa, ki di bi nyan ni Ijipt aatiŋ ni na bi la? Uwumbɔr aa ki bi ti chee, le ki di timi tii Midiann yaab ke bi ŋa timi baah gee pu na.”