Ilahn 44:14 - Uwumbɔr aagbaŋ

¹⁴ Aa di timi ŋa yaansara aawan le ŋitimbol ŋiken chee; bi laa timi le ki gbakr biyil.

Ilahn 44:14 ပူးပေါင်းရင်းမြစ်များ

1 Bibɔrb 9:7

m ga nyan maanib Israel yaab kitiŋ ki m di tii bi na ni. M ga nya cha Lidichal limina li m ŋa li chain ke li li ye nin chee bi ga li dooni mi na. Binib bi bi ni mɔmɔk na ga li ŋani Israel aanib yaansara, ki lik seeni bi.

2 Bibɔrb 19:21

u bui ke, “Jerusalem aatiŋ laa si, Senakerib, ki lik seen si.

2 Bibɔrb Aabɔr 7:20

le m ga nyan nimi kitiŋ ki m di tii nimi na ni, le ki ga nya cha Maadichal li m ŋa li chain ke li li ye nin chee bi ga li dooni mi na. Binib mɔmɔk ga li joo li ŋani yaansara ki lik seeni li.

Nehemia 2:17

Le m nin bui bi ke, “Jerusalem aah bii doo pu na, ni mɔmɔk kan taah bi tibɔr ti ponn ni na. Cha man ti ki gir maa kitiŋ ngbaan aagon man, aan timi aanimɔɔn yee doo.”

Job Aagbaŋ 16:4

Nimi le yaa ba ye mi le m mu ye nimi kan, m ba ga len naah len pu na mɔmɔk. M ba ga gbɔk n‑yil ke ulandaan na, le ki di ŋimɔbon yaar yii ni pu.

Job Aagbaŋ 17:6

Binib gur joo kina aayataŋakl ŋakl mi; bi choo le ki nan tei timɔɔtan ŋani nnimbil wɔb.

Ilahn 109:25

Binib yaa kan mi kan, bi laa mi la, le ki ŋani mi mbɔnyun ki gbakr biyil.

Ilahn 123:3

Uwumbɔr, san timi kinimbaak; bi lik seen timi sakpen a, san timi kinimbaak.

Ilahn 22:7

Binib bi mɔmɔk kan mi na laa mi, bi leeni bilambil le ki gbakr biyil.

Ilahn 79:4

Ŋitimbol ŋi mann goln timi na seei timi la; bi laa timi le ki ŋani timi mbɔnyun.

Aisaya 37:22

uma Uwumbɔr bui ke, “Jerusalem aatiŋ laa si, ubɔr Senakerib, ki lik seen si.

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Maika 6:16

Naah dii Ubɔr Omri aajapɔɔn Ubɔr Ahab aatunwanbir aasan na pu, le kina ga ŋa. Ni beenin joo baakaal la, kina pu le m ga bii doo nimi, le unii mɔk ga lik nimi fam. Binib bi bi dulnyaa wee ni na ga lik seen nimi.”

Ikaal 28:37

Ntim mu ponn ni Uwumbɔr ga cha ni yaa ki koo mu ni na, binib ngbaan aapobil ga yuk tiwan ni ŋa nimi na pu, le bi ga ŋa nimi mbɔnyun ki nyei nimi.