Ilahn 44:10 - Uwumbɔr aagbaŋ

¹⁰ Aa cha timi aadim jenn timi, le ki yoor timi aawangol.

Ilahn 44:10 ပူးပေါင်းရင်းမြစ်များ

Ilahn 60:12

Uwumbɔr yaa bi ti chee kan, ti ga nyaŋ, u ga nyaŋ timi aadim.

Ilahn 89:39

Aa bii tipuur ti aa nan puu tii saatutunn ngbaan na, ki di waabɔryikpupuk mee lii tikpakpar ni.

Ilahn 89:41

Unii umɔk jer na su waawangol la; binib bi koo gbɔk u na laa u la.

Ilahn 89:43

Aa cha waajawan aa ki kpa tinyoor, ki cha bi nyaŋ u butɔb ni.

Aisaya 10:14

Dulnyaa wee aanibol mɔmɔk nan bi m chee ke unyoon aanyandil na la, le m nan kuun baawangol ke unii aah chuun ki ti pii ŋikpanjen timoor ni pu na. Ubaa aa nan ŋmaa faan mi, ubaa mu aa ki fii ke u faa nkuun.”

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Jeremia 15:13

“M ga cha maanib aadim dan ki nan gaa baawangol, ni baawan, aan ki daa bitafal, titunwanbir ti bi tun kitiŋ kee mɔmɔk pu na pu.

Jeremia 20:8

M yaa ban m len tibɔr n‑yoonn mɔmɔk kan, m tar ke, “Kijaak, libiil.” Uwumbɔr, maah joo saabɔr mooni na pu, le bi lik mi fam, ki ŋani mi mbɔnyun.

Liifai Yaab 26:14

Uwumbɔr nan ki bui ke, “Ni yaa yii maah len pu na kan, ni ga kan ntafadaan.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Nkahm 14:42

Taa buen man. Uwumbɔr aa bi ni chee, kina pu na, nimi aadim ga jenn nimi.

Nkahm 14:43

Ni yaa buen, ni ti to Amalek yaab ni Kanaann yaab butɔb kan, bi ga ku nimi butɔb ni. Uwumbɔr aan li bi ni chee; ba pu? ni yii ke naan dii u.”

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.

Josua 7:12

Nimina pu le Israel yaab aa ŋmaa sil baadim chee. Bi san baadim chee, ba pu? bi kpaln tiwan ni ga bii na la. Maan ki li bi ni chee, see ni bii tiwan ni m nan bui nimi ke ni taa yoor na.

Josua 7:8

Tidindaan, Israel yaab aadim aah nyaŋ bi pu na, m ga ki len kinye?

1 Samuel 4:17

Le u ki bui u ke, “Israel yaab san Filistia yaab chee; bi nyaŋ Israel yaab kookoo a. Ki ki kpee na, aajapɔtiib Hofni ni Fineas bee butɔb ni; le bi gaa ti chee Uwumbɔr Aakaal Aadakaa mu a.”