Ilahn 43:4 - Uwumbɔr aagbaŋ

⁴ le m ga buen saatork aabimbiln chee; sin Uwumbɔr chee le m kani mpopiin. Uwumbɔr, Maawumbɔr, m ga gbaa maabeek ki gaa ilahn pak si.

Ilahn 43:4 ပူးပေါင်းရင်းမြစ်များ

2 Samuel 6:5

David ni Israel yaab mɔmɔk nan gaa ilahn, le ki waa liwaal mpɔɔn pu ki pak Uwumbɔr. Bi nan gbaa tibar, ni ŋigangan, ki yak ichayakrtuun.

Ilahn 26:6

Uwumbɔr, m ŋir ŋŋaal le ki mɔk ke maa kpa taani ubaa, le ki chuun manni saatork aabimbiln ki dooni si.

Ilahn 33:2

Di tibar doon Uwumbɔr man, di ikuŋmin aawangbaakaan gaa ilahn tii u man.

Ilahn 42:6

Maah bi tinaagbiir aatiŋ ni na, nsui bii la, kina pu le m di maalandak ŋa u ni. U di mpombiin aanyunkpenn le biin nsui pu, nlanŋmal ŋmeen le choo m chee ke nwam na, ki naahn nnyun mu nya ni Hemonn, ni Misar Aajoo paab ki puu lir ni Jɔɔdann aamɔɔl ni na.

Ilahn 57:8

M ga fii sil, m ga moo pel maabar, m ga gaa ilahn lichakpitaawoln.

Ilahn 57:9

Uwumbɔr, m ga doon si ŋitimbol ni; m ga pak si binib ni.

Ilahn 63:2

Cha m kan si saadichal ni, cha m kan saah kpa mpɔɔn, ni kipak pu na.

Ilahn 81:2

Piin ŋigangan aagbaam man, ki li gbaa ŋidabun man; li joo tibar mɔmɔk aabɔŋ gbaa ki gaa ilahn i mɔ na man.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Rom Yaab 5:11

Naa ye nima baanja pu le ti mɔɔni. Tidindaan Yesu Kristo pu le ti bee Uwumbɔr aah ŋan pu na, le ki mɔɔni. U pu le ti ni Uwumbɔr kpaan kijɔtiik.

Tibɔkpiirkaan 5:8

Waah gaa kigbaŋ na, le tiwanfuurkaan ninaa ngbaan, ni bininkpiib moninko ni binaa ngbaan, nan gbaan unimbiin ni. Bi mɔmɔk gbaa tibar, ki joo salmaa aasambil ŋi gbii tulalee aayon na. Tulalee aayon ngbaan si Uwumbɔr aanib aameel aasisiiyaan.