Ilahn 42:5 - Uwumbɔr aagbaŋ

⁵ Ba ŋa nsui aa piin? Ba ŋa nsui bii kina? M mak Uwumbɔr pu la, le m ga ki pak u, uma le ye Maawumbɔr u gaal mi lir na.

Ilahn 42:5 ပူးပေါင်းရင်းမြစ်များ

Job Aagbaŋ 13:15

M ki kpa limakl libaa, Uwumbɔr yaa ba ga ku mi kan, ni ba ga li ŋan. M ban m ŋeer maabɔr tuk u la.

Ilahn 35:14

ke maah ba ga mee pu tii njɔ, bee nna aabo na. M nan chuun tii n‑yil le ki wii ikpowiil, ke unii aana aah kpo kan, u wii likpuul pu na.

Ilahn 37:7

Ji limɔr ki li kii Uwumbɔr aah ga ŋa pu na; taa cha binib bi kani nkam na, bee bi kani tinyoor baatunwanbir aatun ponn ni na aabɔr li muk si.

Ilahn 38:6

M gur boo la, m lir kookoo a; m wii le nwiin ti lir.

Ilahn 42:11

Ba ŋa nsui aa piin? Ba ŋa nsui bii kina? M mak Uwumbɔr pu la, le m ga ki pak u, uma le ye Maawumbɔr u gaal mi lir na.

Ilahn 43:5

Ba ŋa nsui aa piin? Ba ŋa nsui bii kina? M mak Uwumbɔr pu la, le m ga ki pak u, uma le ye Maawumbɔr u gaal mi lir na.

Ilahn 44:3

Saanib aa nan di baajaak aajum le nyaŋ ki gaa kitiŋ ngbaan; baa nan di bibaa aapɔɔn le di kan linyaŋ ngbaan; ni nan ye sin aapɔɔn pu la; saah nan bi bi chee pu na le nan cha bi nyaŋ, le ki mɔk ke aa gee bi.

Ilahn 56:11

m kpa uma pu le gaakii, kaan li san ijawaan, unibɔn aan ŋmaa ŋa mi nibaa.

Ilahn 56:3

Uwumbɔr Mpɔɔnsakpiindaan, buyoonn ijawaan ti joo mi na le m kpa aa pu gaakii.

Ilahn 61:2

Buyoonn maa bi linampal aan nsui bii na, le m yin si. Di mi buen mbɔbɔryaan mu ŋan na chee,

Ilahn 71:14

Sin pu le m ga li kpa limakl n‑yoonn mɔmɔk; m ga pak si, ki moo pak si.

Ilahn 77:3

M yaa ka ki dak Uwumbɔr aabɔr kan, le m faa liŋuun; m yaa ka dak suuna kan, le nwon yɔl ti lir.

Aisaya 30:29

Le nimi Uwumbɔr aanib ga li kpa mpopiin ki gaa ilahn ke naah ŋani pu kinyeek ki ni ji Uwumbɔr aajim mubaa na. Ni ga li kpa mpopiin ke binib bi waa kulufeeŋ aawaal ki cha Uwumbɔr u ye Israel yaab aakikiir na Aadichal ni na.

Aisaya 50:10

Nimi bi mɔmɔk pak Uwumbɔr ki kii waatutunn aabɔr na, nibaakan ni ga li chuun isan i bɔɔn na ni, ni mu tee tii Nidindaan Uwumbɔr naadii, ki li mak u pu.

Nkahm 6:26

Uwumbɔr lik faar nimi, ki tii nimi nsuudoon.

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Matiu 26:38

Le u bui bi, “Nsui bii ki ti nyaŋ. Ni wu ke nkun aah wu pu na. Kaln do man, ki li lik man.”

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

1 Samuel 30:6

David nan gur bi tibɔsakpenn ni la; ba pu? waajab aasui nan bii baah kaa ki kpa mbim pu na pu, le bi nan ban bi mae u ŋitakpal; Uwumbɔr mu nan tee tii u ntaakpapɔɔn.