Ilahn 42:4 - Uwumbɔr aagbaŋ

⁴ M yaa teer n‑yoonn mu jer na aabɔr kan, le nsui bii, n‑yoonn ngbaan le m nan dii kinipaak buen Uwumbɔr do ki loln bi pu nsan na, kinipaak ngbaan aasui nan piin, le bi gaa ilahn ki tar ki pak Uwumbɔr.

Ilahn 42:4 ပူးပေါင်းရင်းမြစ်များ

2 Bibɔrb 18:30

Ni taa cha u ŋmann nimi ke ni li lik Uwumbɔr pu. Taa ka dak man ke Uwumbɔr ga gaa nimi lii aan ki kiir Asiria aajab, bi taa ŋmaa nyaŋ nimi aatisakpeŋ ngbaan.

2 Bibɔrb 18:32

ki ti saa buyoonn Asiria aatiŋ aabɔrkpaan ga ki gir kaan nimi litingbaln li bi ke nimi yaan na, nima chee ndaan aasui aasar bi, ni ga kan ndaan ki nyu, ni nin chee njikaabim bi ni ga kan tijikaar ji na; nima chee le olif aasui bi, olif aakpan ni tisiir bi nima. Ni yaa ŋa waah len pu na kan, naan kpo, ni ga li kpa limɔfal. Taa cha Hesekia ŋmann nimi aan ni li ka dak ke Uwumbɔr ga gaa nimi lii.

2 Bibɔrb Aabɔr 7:10

le ki woln ŋmalole aawiin moninko ni itaa daal, le Solomonn cha binib ngbaan gir kun. Bisui nan piir tinyoor ti mɔmɔk Uwumbɔr nan di tii waanib Israel yaab, ni David, ni Solomonn na pu.

Job Aagbaŋ 29:2

Maamɔfal yaa ba ki bi ke n‑yoonn mu Uwumbɔr nan joo mi na kan.

Ilahn 100:4

Di idoon jer waadichal aabisamɔi ni, di kipak koo waachiln ni. Doon u ki pak u man.

Ilahn 115:2

Ŋitimbol aa kpa nsan ke ŋi baa timi ke, “Nimi Aawumbɔr bi la chee?”

Ilahn 122:1

M nan kpa mpopiin buyoonn bi nan bui mi ke, “Cha ti buen Uwumbɔr Aadichal ni” na.

Ilahn 122:8

Ndo yaab ni njɔtiib pu le m bui Jerusalem aatiŋ ke, “Nsuudoon li bi aa pu.”

Ilahn 55:14

M ni uma nan gbaa tibaa aabɔr, ki kpaani ki dooni Uwumbɔr waadichal ni.

Ilahn 62:8

Maanib, tii Uwumbɔr naadii n‑yoonn mɔmɔk man. Bui u nimi aamuk mɔmɔk man, ba pu? uma le ye timi aabɔbɔryaan.

Ilahn 79:10

Ni ŋa kinye aan ŋitimbol baa timi ke, “Nimi Aawumbɔr bi la chee?” Ŋitimbol aah cha saatutum aasin nyan pu na, cha ti kan saah ga daa bitafal pu na.

Ilahn 80:6

Aa cha ŋitimbol ŋi mann goln timi na jaa timi aatiŋ pu; timi aadim seei timi la.

Aisaya 30:29

Le nimi Uwumbɔr aanib ga li kpa mpopiin ki gaa ilahn ke naah ŋani pu kinyeek ki ni ji Uwumbɔr aajim mubaa na. Ni ga li kpa mpopiin ke binib bi waa kulufeeŋ aawaal ki cha Uwumbɔr u ye Israel yaab aakikiir na Aadichal ni na.

Inandalahn 2:19

Li fiir kinyeek ki wii ban nterm Uwumbɔr chee. Di aasui mɔmɔk wii ki gaŋ u aan u san saabim kinimbaak. Nkon ku mbim bilni kitiŋ ponn ni aalɔlɔnn mɔmɔk ni la.

Inandalahn 4:1

Timi aasalmaa u nan moor lak lak na gur bɔn timm la. Uwumbɔr Aadichal aagon ŋi wii na aatakpal yaa, le ki dɔ kitiŋ ponn ni, ni kookoo.

Esekiel 46:10

Binib ngbaan ni ujojoor ngbaan kpaan ki koo ni, le bi yaa nan ban bi nyan kan, u ni bimɔk kpaan nya.

Joel 2:17

Bitotoorb bi tun Uwumbɔr aatuln, waatork aabimbiln ni Waadichal aabisamɔb aakaasisik ni na; ni li mee Uwumbɔr ni tinyunyunn ke: “Uwumbɔr, san saanib kinimbaak. Taa cha ŋinibol ŋiken lik timi fam ki ŋa timi mbɔnyun ki len ke, ‘Nimi Aawumbɔr ngbaan bi la?’”

Nahum 1:15

Lik man, ntuun nyan ni ŋijoo pu ki joo ni tibɔnyaan. U choo u nan moon linyaŋ aabɔr la. Juda aanib, ji nimi aajim man, ki tii Uwumbɔr naah di nisui mɔmɔk puu ke ni ga tii u ni na. Bibiindam aan ki dan nan jenn gaa nimi aatiŋ daalbaadaal. Bi kuln doo kookoo a.

Tibɔnyaan ti Luk ŋmee ti na 16:25

“Le Abraham bui u, ‘Maabo, teer ke saah nan bi limɔfal ni na, aa nan bi ji saamɔɔn la. Lasarus mu nan bi ji falaa la. Dandana wee Lasarus aasui sɔŋ do chee na. Aa mu bi ji falaa la.

Ikaal 16:11

Nimi, ni nimi aamaal, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim pu na mɔmɔk li kpa mpopiin Uwumbɔr aanimbiin ni. Ni mɔmɔk ŋa kina nin chee ni kpaani ki dooni Uwumbɔr na.

Ruf Aagbaŋ 1:21

Maah nan nyan do ki cha na, m nan kpa pam, le Uwumbɔr di mi giin ni aan maa ki joo ni nibaa. Uwumbɔr Mpɔɔnsakpiindaan doo mi ki di tibɔbir tii mi, le ni beenin yin mi Naomi ii?”