Ilahn 42:2 - Uwumbɔr aagbaŋ

² Sin Uwumbɔr u bi n‑yoonn mɔmɔk na, m wii ban si la; bayoonn aan m ga ŋmaa buen aanimbiin ni ki ti doon si?

Ilahn 42:2 ပူးပေါင်းရင်းမြစ်များ

Job Aagbaŋ 23:3

M neen ke m ba li nyi maah ga ŋa pu ki ban kan u na, ki ba li nyi nin chee m ga kan u na.

Ilahn 27:4

M mee Uwumbɔr tiwan nibaa la; tiwan nibaa baanja le m ban, ke m li bi Uwumbɔr Aadichal ni n‑yoonn mɔmɔk ki mee u, u mɔk mi waasan, aan waaŋann li ye iwaan aawan m chee.

Ilahn 43:4

le m ga buen saatork aabimbiln chee; sin Uwumbɔr chee le m kani mpopiin. Uwumbɔr, Maawumbɔr, m ga gbaa maabeek ki gaa ilahn pak si.

Ilahn 63:1

Uwumbɔr, sin le ye Maawumbɔr, le m neen si. Nsui, ni nwon mɔmɔk ban si ke kitiŋ ki kuur, ki laa itiween, kaa kpa nnyun na aah ban nnyun pu na la.

Ilahn 63:3

Saageehm mu bi n‑yoonn mɔmɔk na ŋan jer limɔfal, kina pu le m ga pak si.

Ilahn 84:10

M yaa bi Saadichal ponn ni nwiin mubaa kan, ni ŋan jer ke m li bi nibaa chee iwiin lichur; m yaa si Maawumbɔr Aadichal aabisamɔb kan, ni soor ni ke m li koo bibiindam do.

Ilahn 84:2

M gee sakpen ke m li bi li ponn ni. M neen ke m li bi Uwumbɔr Aadichal ni. M di nsui mɔmɔk gaa mpopiin aalahn tii Uwumbɔr u bi n‑yoonn mɔmɔk na.

Ilahn 84:4

Binib bi koo Saadichal ni na kpa mpopiin, le ki gaa ilahn ki pak si n‑yoonn mɔmɔk.

Ilahn 84:7

Baah cha na le bi moo pɔɔk; bi ga kan dindatiib mɔmɔk Aawumbɔr Sionn pu.

Nnyam 23:17

Ŋibin mɔmɔk ni, ni yaa ti saa njim mutaa mue aayoonn kan, nimi aajab mɔmɔk dan ki nan doon min Nidindaan Uwumbɔr.

Aisaya 26:8

Ti dii saah ban pu na ki kpa limakl aa pu; si le ye taah ban nimɔk na.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Jeremia 2:13

maanib aah tun titunwanbir tilee ti na pu. Bi fenn bipuwɔb tii mi, ni bi ke bi yii uyayak aanyunbun mu aanyun ŋan na, le ki gbii bibaa aabun ŋi kpa iween, kaan ŋmaa joo nnyun na.

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Jɔnn 5:26

Nte Uwumbɔr ye Umɔfadaan la, le ki ŋa min Ujapɔɔn mu Umɔfadaan,

Jɔnn 7:37

Bundaln njim ga doo na, liyaadaal le nan ye njim sakpem. Liyaadaal ngbaan le Yesu sil ki len mpɔɔn pu, “Nnyunyuu yaa chuu u na kan, udaan dan m chee ki nan nyu.

1 Tesalonika 1:9

Ba pu? binib ngbaan len ke taah nan dan ni chee na, ni nan gaa timi, ki di ŋiwaa lii, ki fenn ki dii Uwumbɔr, u ye limɔfadaan ki ye Uwumbɔr bamɔnn na,

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.

Tibɔkpiirkaan 22:1

Uwumbɔr aatuun ngbaan nan mɔk mi limɔɔl li ye limɔfal aanyun ki wiin chain na. Mu nyan ni Uwumbɔr ni Upihbo ngbaan aabɔrjal chee, ki puu dii kitiŋ ngbaan aasan aakaasisik ni.