Ilahn 42:10 - Uwumbɔr aagbaŋ

¹⁰ Baasiibil le doo mi. Bi baa mi n‑yoonn mɔmɔk ke, “Saawumbɔr ngbaan bi la?”

Ilahn 42:10 ပူးပေါင်းရင်းမြစ်များ

Ilahn 42:3

M wii nwiin pu ni kinyeek la, le maanyunyunn ye maajikaar; n‑yoonn mɔmɔk kan, maadim baa mi le ke, “Saawumbɔr ngbaan bi la?”

Ilahn 43:2

Sin le ye u kii mi na; ba ŋa aa siir cha mi? ba ŋa m beenin ji falaa, maadim aah ŋa mi mbiin pu na pu?

Ilahn 55:4

Ijawaan le joo mi, le nkun aajawaan ku mi.

Ŋiyataŋak 12:18

Bɔyɔli tii iween ke kijaak aajuk aah ga tii iween pu na la, le nlan aamɔliin tii laafee.

Inandalahn 5:20

Aa yii timi ni yunn sakpen a. Saan ki teer timi aabɔr la aa?

Joel 2:17

Bitotoorb bi tun Uwumbɔr aatuln, waatork aabimbiln ni Waadichal aabisamɔb aakaasisik ni na; ni li mee Uwumbɔr ni tinyunyunn ke: “Uwumbɔr, san saanib kinimbaak. Taa cha ŋinibol ŋiken lik timi fam ki ŋa timi mbɔnyun ki len ke, ‘Nimi Aawumbɔr ngbaan bi la?’”

Maika 7:10

Timi aadim ga kan nimina, le ki ji inimɔɔn, bidimbaam bi nan ŋani timi yaansara ki bui ke, “Nidindaan Uwumbɔr bi la?” na. Ti ga kan binib aah nyaŋ bi pu na, ki taa bi bil kitiŋ ke tikpakpar na.

Tibɔnyaan ti Luk ŋmee ti na 2:35

Nima le ga kpiir baah dak pu bisui ni na. Aasui mu ga bii sakpen a, ki ga li wu ke unyoohn na.”