Ilahn 41:9 - Uwumbɔr aagbaŋ

⁹ Hali njɔnyaan, u m tii u naadii sakpen na, aan m ni u kpaan ni ji lisambil libaa ni na, uma le fii sil m pu.

Ilahn 41:9 ပူးပေါင်းရင်းမြစ်များ

2 Samuel 15:12

Waah nan ti bi toor kitork na, u nan tun Gilo aatiŋ ni bi ti li joo ni Ahitofel, u nan ye ubɔr David aasusur ubaa na. Absalom aalandak ngbaan nan moo kan mpɔɔn, le waadidiliib mu moo wiir.

Job Aagbaŋ 19:13

Uwumbɔr cha nnaabitiib yii mi; m gur ye uchaan le binib bi nan nyi mi na chee;

Job Aagbaŋ 19:19

Njɔtiibamɔm gur nan mi la; maah nan gee binib bi sakpen na le fenn lir m pu.

Ilahn 101:3

kaan kii tii titunwanbir kpala. M nan binib bi fenn bipuwɔb tii Uwumbɔr na; m ni bima aan kpaan ki tun lituln.

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Obadia 1:7

Nimi aamaantɔtiib ŋmann nimi la; le bi jenn nyan nimi, nimi aatiŋ ponn ni. Binib bi nan ye nijɔtiib na le nyaŋ nimi butɔb ni dandana wee na. Nijɔtiib bi nan ji ni chee tijikaar na le ŋmann nimi koon gaawɔb ni; bi baa le ke, ‘Baalan mu bi kpa na bi la?’

Maika 7:5

Taa tii aajɔ, bee aa ni unii u koo gbɔk tɔb na naadii. Li nyi saah len pu na, hali aapuu mu chee kan, li nyi.

Matiu 26:23

Le u bui bi, “M ni unii u kpaani ji lisambil libaa ni na le ga kooh mi.

Jɔnn 13:18

“Maa len ni mɔmɔk pu. M nyi maah nyan bi na aasui ni aah bi pu na, ki nyan nimi ke ni gbiin Uwumbɔr Aagbaŋ aah len pu na ke, ‘M ni unii u kpaan ni ji lisambil ni na, uma le fii sil m pu.’

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.