Ilahn 41:1 - Uwumbɔr aagbaŋ

¹ Binib bi aatafal bi bigiim wɔb na, bima le kpa mpopiin; Uwumbɔr ga ter bi buyoonn bi bi tibɔr ni na.

Ilahn 41:1 ပူးပေါင်းရင်းမြစ်များ

Ilahn 112:9

U tii binib bi kaa kpa na, ni usui mɔmɔk la, le waaŋann aa kpa ndoon; u ga li kpa mpɔɔn ni kipak.

Ilahn 34:19

Uninyaan kani ŋimuk aabɔŋ aabɔŋ la, le Uwumbɔr nyani u ŋi mɔmɔk ni;

Ilahn 37:19

N‑yoonn yaa kaa nan ki ŋan kan, baan ji falaa; le nkon aayoonn kan, bi ga li kpa ni ŋeer bi na.

Ilahn 37:26

N‑yoonn mɔmɔk kan, bi tii la, le ki pinni tii binib biken kaa gaal nibaa, le baabim mu ye bi tinyoor.

Ŋiyataŋak 14:21

Aa yaa ban mpopiin kan, li ŋani bigiim tiŋann; aa yaa lik seen ubaa kan, ni ye titunwanbir la.

Ŋiyataŋak 16:14

Ulandaan pɔɔni ubaa ki tii ubɔr mpopiin la; ubɔr aaŋuul ga ŋmaa joo ni nkun.

Ŋiyataŋak 19:17

Aa yaa tii ugiin ipiin kan, ni bi ke saah pinn tiwan tii Uwumbɔr le na, Uwumbɔr ga teen si tiwan ngbaan.

Ulandaan 12:1

Kina pu na, saah laa pɔɔn na, li teer Uwumbɔr u naan si na bɔr, waahr aan aa nin por, buyoonn aa ga nan bui ke, “Nsui aa ki piin.”

Jeremia 39:17

le min Uwumbɔr ga li kii si, bi taa di si tii bijab bi aa san bi ijawaan na.

Tibɔnyaan ti Mak ŋmee ti na 14:7

Bigiim ga li bi ni chee n‑yoonn mɔmɔk. Naah ga li ban ni ter bi buyoonn na kan, ni ga ŋmaa ter bi. Mma aan li bi ni chee n‑yoonn mɔmɔk.

Lituln 20:35

Maah tun lituln kina na, m mɔk nimi ke ni mu li tun kina, ki ter bibum, ki li teer ke Tidindaan Yesu ubaa nan len ke, ‘Uwumbɔr aanyoor bi unii u tii na pu ki jer u gaa na pu.’”

Galantiya 2:10

Bi nan ban ke ti li teer ki ter binib bi ye bigiim bi ponn ni na. M mu aanimbil man ke m ter bi.

1 Tesalonika 5:14

Tinaabitiib, ti gaŋ nimi, ke ni sur binib bi kaa ban bi tun lituln na, ki li pɔɔni binib bi aataakpab yɔl na aataakpab, ki ter binib bi kaa pɔɔ na, ki li kpa limɔr binib mɔmɔk pu.

Hiibru Yaab 6:10

Uwumbɔr ŋan la. Waan suln naah tun lituln pu ki ter waanib, ki beenin ter bi na, ki mɔk u naah gee u pu na bɔr.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

Tibɔkpiirkaan 3:10

Ni kii maabɔr, ki kpa limɔr. Nima pu na, m mu ga li lik nimi, ki nyan nimi falaa u ga pii dulnyaa aanib mɔmɔk ki tɔŋ bi na ni.

Ruf Aagbaŋ 2:19

Le Naomi baa u ke, “Aa kan idi yee mɔmɔk la chee? Ŋma aakpaakon ni aa ti lɔi? Uwumbɔr ŋa tinyoor ŋa uja u lik si ki san si kinimbaak na pu.” Le Ruf bui Naomi ke u ti lɔi uja u bi yin u ke Boas na aakpaakon ni la.