Ilahn 40:6 - Uwumbɔr aagbaŋ

⁶ Saa ban tiwakor ni tijikaar aatork; saa ban ke m di tiwakor toor kitork ki di see mmii kitork aabimbiln paab tii si, kaa ban ke m toor kitork titunwanbir pu, aa tee tii mi ŋitafal ke m ŋun tii si,

Ilahn 40:6 ပူးပေါင်းရင်းမြစ်များ

Job Aagbaŋ 33:16

U cha bi pel waah len pu na, le ijawaan chuu bi waah sak bi pu na pu.

Job Aagbaŋ 5:9

Taan ŋmaa bee waah ŋani tiwankpaan ni na aatataa, le waajinjiir aawan aa kpa ndoon.

Ilahn 139:17

Uwumbɔr, saalandak ye m chee tiwankpaan la; i wiir sakpen a.

Ilahn 139:18

M yaa ban m kahn i kan, i ga li wiir jer limɔɔtambol. M yaa dɔ geen ki ti finn kan, m beenin bi aa chee la.

Ilahn 50:8

Maa galni nimi kitork ni nimi aatork ki ni joo seer mmii ni tii mi n‑yoonn mɔmɔk na pu la,

Ilahn 51:16

Aa yaa ba ban kitork kan, m ba ga toor kitork tii si; saa neen kitork ki bi joo seer mmii ni tii si na.

Ilahn 71:15

M ga bui binib saah kpa tiŋann pu na; m ga li len saah gaal binib lir pu na ki ti saa nwiin aah ga lir pu na, tɔ, ni mu tee jer maah ga ŋmaa bee pu na.

Nnyam 21:6

nima na udindaan di unaagbiija ngbaan dan Uwumbɔr aanimbiin ni, ki cha u sil kidiik aabisamɔb chee aan bi saa chir utafal. Le n‑yoonn ngbaan ki joo cha u ga li ye waanaagbiija ki ti saa waamɔfal aadoon.

Aisaya 1:11

U bui ke, “Taa dak man ke m gee nimi aatork ki ni toor tii mi na. Maa ki neen naah kɔr nimi aapiih i ki joo seer mmii ni ki tii mi na, ni nimi aanaa i ŋan na aakpan mu. Maa ki neen nimi aanaasin, ni mpihsin, ni ŋŋosin mu ni tii mi na.

Aisaya 25:1

Ndindaan Uwumbɔr, m ga nyuŋ si ki pak saayimbil. Aa ŋa lijinjiir aawan; aa ŋman ki joo saah nan siin n‑yaayoonn na ke aa ga ŋa pu na.

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Hosea 6:6

M ban nimi aageehm le n‑yoonn mɔmɔk, maa ban nimi aatork baanja la. M ga li gee ke maanib li nyi mi ki jer ke bi li joo kitork seer mmii ni tii mi.

Amos 5:22

Ni yaa toor kitork ki di see mmii ni, ni nimi aajikaabim aapiin tii mi kan, maan gaa ni; maan gaa naah lii tiwakor ti filk ke ni nan di tii mi ipiin na.

Matiu 12:7

Uwumbɔr Aagbaŋ len ke waa ban ke binib toor kitork baanja ki tii u. U ban ke bi li san tɔb kinimbaak. Ni yaa ba nyi iliin ngbaan aatataa kan, naa ba ga galn binib bi kaa kpa taani na.

Matiu 9:13

Uwumbɔr Aagbaŋ len ke waa ban ke binib toor kitork baanja ki tii u. U ban ke bi li san tɔb kinimbaak la. Li cha ki ti bae tibɔr ngbaan aatataa. Maa dan ke m nan yin bininyaam. M dan ke m nan yin titunwanbirdam [ke bi nan kpeln baabimbin.”]

1 Samuel 15:22

Le Samuel bui u ke, “Uwumbɔr tee gee nilani: aa kii waamɔb, bee aa toor kitork tii u? Ni ŋan ke aa kii waamɔb ki jer ke aa di ipiih i ŋan na toor kitork tii u.