Ilahn 40:17 - Uwumbɔr aagbaŋ

¹⁷ Uwumbɔr, nwon yɔl, le m ye ugiin, le saa suln mbɔr. Sin le ye Maawumbɔr u gaal mi lir na, ŋa mala ki nan ter mi.

Ilahn 40:17 ပူးပေါင်းရင်းမြစ်များ

Ilahn 109:22

M ye ugiin le kaa kpa nibaa, maamuk ti dɔ nsui ni taab taab la.

Ilahn 34:4

M mee Uwumbɔr, le u gar mi, u nyan mi maajawaan mɔmɔk ni.

Ilahn 34:6

Binib bi kaa kpa biteterb na yin uma la, le u gar bi; u nyani bi baabɔr mɔmɔk ni.

Ilahn 35:27

Cha binib bi ban ke bi kan ke m nyan tibɔr ni na li tar mpopiin pu ki len, ki ki gir len ke, “Uwumbɔr aapɔɔn nyaŋ a. Usui piir waatutunn aah kan linyaŋ pu na pu.”

Ilahn 40:5

Tidindaan Uwumbɔr, aa ŋa tiwan pam tii timi; ubaa aa bi ke sin na. Aa dak ke aa ga ŋa iwaan aatun tii timi, maa nan ŋmaa len ŋi mɔmɔk pu, ŋaakahm wiir sakpen a.

Ilahn 54:4

Uwumbɔr mu le ye u ter mi na. Uma Uwumbɔr le ye maakikiir.

Ilahn 69:33

Uwumbɔr ŋun binib bi kaa kpa na aayim, kaa suln waanib bi bi kiyondiik ni na aabɔr.

Ilahn 70:5

Nwon yɔl, le maa kpa nterm mubaa; Uwumbɔr, dan m chee dandana. Uwumbɔr, sin le ye u gaal mi lir na, san mala ki nan ter mi.

Ilahn 86:1

Uwumbɔr, pel m chee ki kii maayim, ba pu? maa kpa uteter, kaa kpa mpɔɔn mu.

Aisaya 25:9

Kina yaa ŋa kan, binib mɔmɔk ga bui ke, “Uma le ye Tidindaan. Ti kpa u pu limakl, le u gaa timi lii. Uma le ye Uwumbɔr. Ti kpa u pu limakl, le dandana ti kpa mpopiin ki mɔɔni; ba pu? u gaa timi lii.”

Aisaya 41:17

Buyoonn bigiim bi kaa kpa nibaa na ban nnyun kaa kan na, aan nnyunyuu joo bi na, le bineen kuur, n‑yoonn ngbaan le min Uwumbɔr ga kii baameel; min, Israel yaab Aawumbɔr, aan san cha bi.

Matiu 8:20

Le Yesu bui u, “Iŋɔk kpa yaah koo ibuu i ponn ni na. Inyoon i laani paacham na mu kpa yaadil. Min Unibɔn Aabo ma aa kpa maah ga doon nin chee na.”

2 Korenti 8:9

Ni nyi Tidindaan Yesu Kristo aah kpa tibulchinn pu na. U nan ye uwankpadaan la. Nimi pu le u ŋa ugiin. Waah ŋa ugiin na, nima le cha ni mu ŋa biwankpadam.

Hiibru Yaab 13:6

Nima pu le ti ga li kpa lipobil ki bui ke, “Uwumbɔr ye maateter la. Maan san ijawaan. Ubaa aan ŋmaa ŋa mi nibaa.”

Jemisi 2:5

Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.

1 Piita 2:23

Baah seei u na, waa giin sii bi. Waah jin falaa na, waa len ke u ga teen bi. U di ubaa ŋa Uwumbɔr u ji tibɔr mɔmɔk mbamɔm na aaŋaal ni la.

1 Piita 5:7

Limukl limɔk muk nimi na kan, ni di li mɔmɔk ŋa Uwumbɔr aaŋaal ni; ba pu? utafal bi ni ni.

Tibɔkpiirkaan 22:20

Yesu u tuk timi tibɔr tee na bui ke, “Een, m ga gir ni mala.” Mbamɔn, Ndindaan Yesu, dan.